Налшык къалэ ще­кIуэ­кIащ «Кавказым и хъуас­кIэхэр» («Искры Кавказа») тхэквондомкIэ фестиваль зэIуха. Абы хэтащ Кавказ Ищхъэрэ федеральнэ щIыналъэм хыхьэ республикэхэм къикIа спортсмени 120-м щIигъу.

«Пять колец» спорт ака­демием и командэм хэту Къэбэрдей-Балъкъэр къэ­рал университетым и спорт комп­лексым и алэрыбгъухэм щы­зэуащ Хьэщыкъуей ­Руслан. Зи хьэлъагъыр килограмм 32-м нэблагъэхэм я гупым пэщIэ­дзэ зэIущIэхэр фIы дыдэу щезыгъэкIуэкIа ди лъэпкъэгъум финал ныкъуэм къыщы­пэщIэтащ ингуш спортсмен Нальгиев Мухьэмэд. Зэпэ­щIэты­ны­гъэм хьэщIэр 7:1-уэ щыте­кIуащ икIи Хьэщы­къуейм домбеякъ медалыр къы­лъысащ. 
ГугъэфIхэр уэзыгъэщI спорт­смен щIалэщIэр ягъа­сэ Унэжокъуэхэ Къантемыррэ Абдель-Джабаррэ.