|
Гъатхэм и пшыхь
28 мая, 2022 - 06:45
«Жан» зэгухьэныгъэм иригъэкIуэкI «Гъэм и теплъэгъуэхэр» усэ пшыхьхэм къыпащэу, Сэралъп Мадинэ и Арт-унэм гъатхэр щагъэфIащ.
Гъатхэм теухуа усэхэм къеджащ ЩоджэнцIыкIу Алий и цIэр зезыхьэ Къэбэрдей драмэ театрым и артистхэу Тэмазэ Лиуанрэ Тхьэщыгъуей Жаннэрэ, уэрэджыIакIуэ пажэхэу Сокъур Ольгэрэ Хьэкъул Оксанэрэ. Уэрэд макъамэкIэ, пшынэкIэ, шыкIэпшынэкIэ Iуэхур ягъэдэхащ Бэч Азэмэт, Беслъэней Ренатэ, ГъукIэ Ислъам, Щокъуий Мурат сымэ, «Къэбэрдей» джэгуакIуэ гупым. Гъатхэм ехьэлIа гуфIэгъуэ дауэдапщэхэм я теплъэгъуэхэр къигъэлъэгъуащ джэгуакIуэ Нэхущ Тимур. Пшынэрэ бэрэбанкIэ утыку къихьащ ныбжьыщIэ цIыкIухэу Къуэдзокъуэ Самиррэ Сыжажэ Аскэррэ.
- Гъатхэращ дунейр къыщытIэпIыр, къыщыгъагъэр! «Сыпсэуарэт!» жыпIэу гур еутIыпщ а зэман дахэм! Нобэ дэри гъатхэм дыпэджэжащ псалъэ къыхэщыпыкIахэмкIэ, макъамэ гуапэкIэ, усыгъэ курыхкIэ, - жиIащ пшыхьыр езыгъэкIуэкIа Гумэ Маринэ. Абы зыкърезыгъэхьэлIа пща-щэхэм къалэрдэгу Iэрамэхэр хуагуэшащ гъатхэ нэщэнэу.
Гугъуэт Заремэ,
Сурэтхэр Шыбзыхъуэ Астемыр трихащ.
|
11.05.2024 - 12:25 Зэ еплъыгъуэкIэ къыпщыхъунщ литературэр математикэм, социологием, физикэм, экономикэм, биологием, нэгъуэщI щIэныгъэхэми зыкIи емыпхауэ. |
|
11.05.2024 - 09:03 Къэбэрдей-Балъкъэрым щыщ Прохладнэ щIыналъэм и Приближнэ къуажэм зи узыншагъэкIэ сэкъат зиIэ сабийхэр щрагъаджэу дэт школ-интернат №2-м и гъэсэн цIыкIухэр къыщыхэжаныкIащ Сочи къалэм и «Сириус» фед |
|
11.05.2024 - 09:03 ТекIуэныгъэм и махуэ къэблэгъам пежьэри, Кэнжэ къуажэм иджыблагъэ дзюдомкIэ зэхьэзэхуэ щрагъэкIуэкIащ. Абы щызэпеуащ 2011 гъэм къалъхуа ныбжьыщIэхэр - псори зэхэту 113-рэ. |
|
10.05.2024 - 12:25 ЦIыхум и лъэр нихьэсащ хы лъабжьэми, къуршу щыIэм я нэхъ лъагэми, хьэршми. Ари хъунт и Iэужь къыщимынэу, щIыуэпсым хэмыIэбэу, пщIэ хуищIу щытатэмэ. |
|
10.05.2024 - 09:03 2024 гъэм накъыгъэм и 1-м къыщыщIэдзауэ къару игъуэтащ хабзэщIэм - зи пIалъэр икIа, жьы хъуа гъэшхэкIхэр, псыхэкIхэр тыкуэнышхуэхэм я кассэхэм дяпэкIэ щыпхагъэкIынукъым. |
|