|
УЭРЭДЫЖЬХЭМ Я КЪАРУР
30 апреля, 2022 - 06:35
Бахъсэнёнкэ къуажэ дэт ЩэнхабзэмкIэ унэм иджыблагъэ пасэрей уэрэдыжьхэм я пшыхь къыщызэрагъэпэщащ Урысейм ис лъэпкъхэм я щэнхабзэ Iэужьыр хъумэным и илъэсым хуэгъэпсауэ.
Бахъсэн щIыналъэм и творческэ гуп нэхъыфIхэм абы щагъэзэщIащ КъБР-м и цIыхубэ артист КъардэнгъущI Зырамыку зэхуихьэсыжа уэрэдыжьхэм щыщ.
Зэхыхьэм и къалэн нэхъыщхьэр адыгэхэм я лъэпкъ щэнхабзэр хъумэнырщ, ар къыдэкIуэтей щIэблэм фIыуэ егъэлъагъунырщ, лъэпкъым и тхыдэр къызыхэщ а Iэужьым и къулеягъыр щIалэгъуалэм къыгурагъэIуэнырщ.
Илъэс куэд щIауэ адыгэ уэрэдыжьхэр къэзыгъэщIэрэщIэж «Кавказ», «Шэджэм», «Шэджэм псыкъелъэхэр» гупхэм, КъБР-м и цIыхубэ артист Зеущэ Ауес сымэ ягъэзэщIа уэрэдхэм адыгэбзэм и беягъыр, лъэпкъ гупсысэм и куууагъыр нэсу щызыхэпщIэрт. УщымыгуфIыкIынкIэ Iэмал иIэкъым уэрэджыIакIуэ нэхъыжьхэм я гъусэу а пщыхьэщхьэм утыкум къихьа ныбжьыщIэхэу Шыхъуэбахъуэ Ислъам, Тэджыр Заремэ, Шурдым Миленэ, Къурашэ Аринэ сымэ я зэфIэкIым.
Бахъсэн щIыналъэм щэнхабзэмкIэ къудамэм и унафэщI Тхьэмадокъуэ Зерэ къызэрыхигъэщащи, адыгэхэм я тхыдэ жыжьэр уэрэдыжьхэм екIуу къыщыгъэлъэгъуащ. Абыхэм блэкIа лъэхъэнэм къыщыхъуа Iуэхугъуэ куэд ди зэманым къахьэсащ.
Тэрчокъуэ Дисэ.
|
11.05.2024 - 12:25 Зэ еплъыгъуэкIэ къыпщыхъунщ литературэр математикэм, социологием, физикэм, экономикэм, биологием, нэгъуэщI щIэныгъэхэми зыкIи емыпхауэ. |
|
11.05.2024 - 09:03 Къэбэрдей-Балъкъэрым щыщ Прохладнэ щIыналъэм и Приближнэ къуажэм зи узыншагъэкIэ сэкъат зиIэ сабийхэр щрагъаджэу дэт школ-интернат №2-м и гъэсэн цIыкIухэр къыщыхэжаныкIащ Сочи къалэм и «Сириус» фед |
|
11.05.2024 - 09:03 ТекIуэныгъэм и махуэ къэблэгъам пежьэри, Кэнжэ къуажэм иджыблагъэ дзюдомкIэ зэхьэзэхуэ щрагъэкIуэкIащ. Абы щызэпеуащ 2011 гъэм къалъхуа ныбжьыщIэхэр - псори зэхэту 113-рэ. |
|
10.05.2024 - 12:25 ЦIыхум и лъэр нихьэсащ хы лъабжьэми, къуршу щыIэм я нэхъ лъагэми, хьэршми. Ари хъунт и Iэужь къыщимынэу, щIыуэпсым хэмыIэбэу, пщIэ хуищIу щытатэмэ. |
|
10.05.2024 - 09:03 2024 гъэм накъыгъэм и 1-м къыщыщIэдзауэ къару игъуэтащ хабзэщIэм - зи пIалъэр икIа, жьы хъуа гъэшхэкIхэр, псыхэкIхэр тыкуэнышхуэхэм я кассэхэм дяпэкIэ щыпхагъэкIынукъым. |
|