«Сабий стадион» КъБР-м и къэрал бюджет IуэхущIапIэм и футбол джэгупIэ губгъуэм щекIуэкIащ республикэм регбимкIэ и командэ къыхэхам и зыгъэсэныгъэ. Абы кърихьэлIат Налшык къалэ администрацэм Физическэ щэхабзэмкIэ, спортымрэ щIалэгъуалэ IуэхухэмкIэ управленэм и «Налшык» спорт школым зыщызыгъасэ илъэс 16 зи ныбжь спортсменхэмкIэ.

Урысей Федерацэм футболымкIэ и етIуанэ дивизионым и Япэ гупым щекIуэкI зэхьэзэхьэзэхуэр гъатхэпэ пщIондэ зэпагъэуащ. А зэманым къриубыдэу командэхэм зыгъэсэныгъэхэр ирагъэкIуэкI, футболистыщIэхэмкIэ загъэлъэщ, мазэ дэкIмэ щIэзыдзэжыну зэпеуэм зыхуагъэхьэзыр.

Мысыр  къэралыгъуэм  щыIа  адыгэ  мамлюк тепщэгъуэм (I382-I5I7)  и  тхыдэм   къыхэлыдыкI  къэхъукъащIэщ  нобэ  дигу къэдгъэкIыж,  щIышылэм и 22-м илъэс 505-рэ ирикъуа  Ридание зауэзэрылIыр.

Налшык дэт «Гладиатор» универсальнэ спорт комплексым щекIуэкIащ Кавказ Ищхъэрэ федеральнэ щIыналъэм и кубокыр къэхьыным ехьэлIа тхэквондомкIэ щIыналъэхэм зэдай зэхьэзэхуэ. Урысей Федерацэм и щIыналъэ 4-м къикIауэ зэпеуэм и саугъэтхэм щIэбэнащ спортсмен 300-м нэблагъэ.

Тырку къэралым и президент Эрдоган Реджеп хуэмыфащэу зэрытепсэлъыхьамкIэ ягъэкъуаншэу, хабзэм ирашэлIащ илъэс 54-рэ зи ныбжь тележурналист Кабаш Сенеф.

 «Тажым щхьэри Iущ дохъу» жаIэ, - къахь хъыбарегъащIэхэм Кабаш Сенеф зытекIуадэ жыIэгъуэр. - Ауэ дэ ди нэгу щIокI Iуэхур зэрыапхуэмыдэр. Пэж дыдэу, выр сэрейм щIэпшэ щхьэкIэ, ар пащтыхь хъуркъым, езы сэрейр бо мэхъу армыхъумэ».

Путин  Владимир Къэрал Думэм и пащхьэ дыгъэгъазэм и 30-м ирилъхьащ ипэрей «Махуэкухэм» я зым зи гугъу щытщIа, Къэралым къэIэпхъуэжынымкIэ хабзэм халъхьэ зэхъуэкIыныгъэхэм я проектыр. УпщIэу къэнар зыт: адыгэхэр хабжэну хабзэр тынш зыщащIыну «лъахэгъухэм»?

Узым зэрызыщахъумэ Iэмалу, IэзэкIэ лIэужьыгъуэу щыIащ дэлъапсэщIэкIыр. Жыгым (дэшхуейм) пщIэ хуэщIыным, мэгъум зэфIэкI ин иIэу я фIэщ хъууэ зэрыщытам къыхэкIащ.

ДэлъапсэщIэкIыр гъатхэпэм ящIт. А зэманыр уз къэхъеигъуэу къалъытэрти, узым япэ зрагъэщу ящIу арагъэнт. Абы нэмыщIу, пIалъэ хэха имыIэу, уз шынагъуэ гуэр къежьами ящIт.

Дызэрыщыгъуазэщи, псыпцIэхэр зи хэщIапIэ псэущхьэхэмрэ абыхэм щес къуалэхэмрэ яхуэсакъыныр мыхьэнэшхуэ зиIэщ. КъищынэмыщIауэ, щIэныгъэлIхэм къызэралъытэмкIэ, псыпцIэхэр ящыщщ ЩIы хъурейм и биологие зэмылIэужьыгъуагъэм хезымыгъэгъэщI, щIыуэпсыр зэпIэзэрыт щытыкIэм изыгъэт къэщIыгъэ телъыджэхэм.

ЩIыуэпс хъыбархэр

«Урысейм и псыр» урысейпсо зэпеуэм и къызэгъэпэщакIуэхэр хэплъэжащ 2021 гъэм ирагъэкIуэкIа лэжьыгъэм икIи наIуэ къэхъуащ япэ увыпIи 10-м хэхуа щIыналъэхэр. Ди гуапэ зэрыхъунщи, ди щIыналъэм иIыгъщ 9-нэ увыпIэр.

Ижь-ижьыж лъандэрэ адыгэхэм пщIэшхуэ хуащI жьэгу пащхьэ мафIэм. Абы лъабжьэ хуэхъуар иджыкIэ IупщIкъым. Ауэ хуэбгъэфащэ хъунущ нартхэр щIыIэм ису Сосрыкъуэ мафIэ къихьу къыщригъэлам е адыгэхэр мажусий диным щита лъэхъэнэм къыщежьауэ.