Мазих нэблагъэкIэ Къэбэрдей-Балъкъэрыр зыфыщIа нэмыцэдзэр Зеикъуэ къуажэм щыдахужым, абыхэм якIэлъежьащ ягъэдела, ядэлэжьа цIыху гуэрхэр. Полицайхэм я унафэщIу лэжьа Шидэ абыхэм я фIэщ ищIат бийр махуэ бжыгъэкIэ икIуэтыжу къигъэзэжыну.

Пекин мы махуэхэм щекIуэкI XXIV ЩIымахуэ Олимп джэгухэм и иужьрей махуитIым медалым щIэбэнхэм я зэпеуэм зэхъуэкIыныгъэшхуэхэр щигъуэтащ. Урысей Федерацэм и спортсменхэр еянэ увыпIэм нэс къекIуэтэхащ, бэрэжьейм зы медали къавзэрыщыхуэмыхьам къыхэкIыу.

Мэзым къэкIыгъэхэр щымащIэкъым. Удз гъэгъахэри щыкуэд дыдэщ. Ахэр нэхъыбэу хуейхэм щыплъагъунущ. А хуейхэм плъыфэхэм я махуэшхуэ щекIуэкIым ещхьщ, апхуэдизкIэ удз гъэгъа зэмыфэгъу плъыфэбэхэр щикъухьащи. 

Февралыр пасэрей римлянхэм я илъэсыр зэриух мазэт. Латин «фебруариусым» – «зыщагъэкъэбзэж» жиIэу арат къикIыр. А мазэм тхьэлъэIу, къурмэн римлянхэм ящIырт, я гуэныхьхэр къахуэгъун папщIэ. 

Бэрбэч ХьэтIутIэ и цIэр зезы­- хьэ Къэбэрдей-Балъкъэр къэрал университетыр ди республикэм и мызакъуэу, Урысей Федерацэ псом я щIэныгъэ икIи егъэджэ­ныгъэ центр пашэхэм ящыщщ. ЩIэ­ныгъэ-къэхутэныгъэ лъэщ-хэр щрагъэкIуэкI, егъэджэны­- гъэ-гъэсэныгъэ лэжьыгъэ куп­щIафIэ щызэфIах IуэхущIапIэр къызэрызэрагъэпэщрэ  илъэс 90, ар зи лъабжьэу къызэ­Iуаха университетыр илъэс 65-рэ ирокъу мы гъэм.

Дэтхэнэ зы узыфэми и гъэхъужыныр нэхъыбэу зэлъытар ар тэтэму икIи и чэзум къэхутэнымрэ абы хэха бгъэ­дыхьэкIэ щхьэхуэ къыхуэгъуэты­ным­рэщ. Къэрал сымаджэщхэм къадэкIуэу иджырей зэманым зыужьыныгъэшхуэ игъуэтащ унэтIыныгъэ зэмылIэужьы­гъуэхэм хуэгъэпса щхьэзакъуэ клиникэхэми.

Агрономхэмрэ агроинженерхэмрэ я урысейпсо зэIущIэм щытепсэлъыхьащ хадэхэкIымрэ хьэцэпэцэмрэ къат бэвагъым зэрыхагъэхъуэну щIыкIэм. 

Пекин щекIуэкI ХХIV ЩIымахуэ Олимп джэгухэм и саугъэтхэм папщIэ зэхьэзэхуэ гуащIэхэр йокIуэкI. Урысей Федерацэм и спортсменхэр зэпеуэхэр къызэрызэIуахрэ пашэхэм яхэтщ.

Тхыдэ гъуэгуанэхэм илъэс куэдкIэ ирикIуэу, Кавказымрэ абы щыпсэу лъэпкъхэмрэ я къекIуэкIыкIам икъукIэ убгъуауэ тепсэлъыхьахэм ящыщщ зек1уэл1 Челеби Эвлия. Абы илъэс 40-кIэ къызэхикIухьащ Уэсмэн къэралыгъуэмрэ абы къыпэщылъ щIыналъэхэмрэ. Куэдрэ здэщыIа щIыналъэхэм ящыщщ Адыгэ Хэкур.

Зэгуэрым дыгъэмрэ жьыбгъэмрэ хэт нэхъ лъэщми зэхагъэкIыну и ужь ихьахэщ. Жьыбгъэм жеIэ: «Сэ уэ нэхъ сынэхъ лъэщщ. Ар иджыпсту хьэкъ пщысщIынущ уэри. Плъагъурэ, модэ мо кIагуэ хуабэ зыщыгъ лIыжьыр? Къаплъэ тIэ сэ абы и щIыIутелъыр щIэхыу къыщысхынщ», - жи. Дыгъэм пшэм зыкъуигъэпщкIуащ. Жьыбгъэр къопщэ, нэхъри хуабжь зещI, зегъэткIий, мэгубжь.