|
|
«Жангы бийикликде» онглу болгъанла кеслерин тюрлю-тюрлю къуллукълада сынарыкъдыла
25 февраля, 2019 - 06:47
Къабарты-Малкъарда кадрла хазырлар муратда бардырылгъан «Жангы бийиклик» деген республикалы конкурсну эсеплерине кёре бир къауум адам тюрлю-тюрлю къуллукълагъа салыннганды.
Алайды да, Нальчик шахар округну жер-жерли администрациясыны башчысыны буйругъу бла Алимбек Апеков экономика департаментни таматасыны орунбасарыны къуллугъун толтурлукъду. КъМР-ни жер эмда ырысхы бла байламлы халланы министри Ислам Кардановну Краснодар крайны Головинка элинде «Элбрус» солуу база» ООО-ну баш директоруна салгъанды.
Федерал налог службаны КъМР-де Управлениясыны башчысы ведомствону ишни жалчытыу бёлюмюню таматасыны орунбасарына Мадина Маршенованы тийишли кёргенди. «Отбор» инновациялы-производство агрофирма» ООО-ну директоруну буйругъу бла Николай Долженко предприятияны тыш байламлыкъла жаны бла бёлюмюнде ишлерикди.
Москвада «Сбербанк-АСТ» ЗАО-да Айныу жаны бла дирекцияны проектлерини директору Бетал Бижоев а КъМР-ни Башчысыны къуллугъун болжаллы халда толтургъанны буйругъу бла Къабарты-Малкъар Республиканы Башчысыны кенгешчисини къуллугъуна салыннганды, хакъсыз ишлерикди.
Андан сора да, Казбек Коковну оноуу бла «Жангы бийикликде» хорлагъанладан 24 адам республиканы власть органларында тюрлю-тюрлю къуллукълагъа резервге алыннгандыла. Конкурсну эсеплерине кёре къуллукъгъа салыу андан ары бардырыллыкъды.
 |
|
17.07.2026 - 12:35 «Таулу» («Горец») медиа ара Кёнделенни Доттуланы Ахмат атлы 1-чи номерли школунда башланып, аны жаш журналистлери тюрлю-тюрлю конкурслагъа, тюбешиулеге, жыйылыулагъа къатыша, проектле хазырлай, ат |
 |
|
17.07.2026 - 09:03 Жаш тёлюге билим бериуде ишлей, жетишимли болгъанларыбыз асламдыла. Аладан бири Моллаланы Мариям бюгюнлюкде Нальчикни 32-чи номерли мектебинде орус тилден бла литературадан окъутады. |
 |
|
16.07.2026 - 08:53 Тюнене КъМР-ни Башчысы Казбек Коков КъМР-де ич ишлени министри Вячеслав Крючков, КъМР-ни транспорт эмда жол мюлк министри Аслан Дышеков, республиканы цифралы айныу, связь эмда асламлы коммуникациял |
 |
|
16.07.2026 - 08:51 Ахыр кюнледе социал сетьледе Къабарты-Малкъарда жашырын мобилизация бардырылады, региондан келишим бла аскерде къуллукъ этерге чакъырылгъанланы планы он кереге кётюрюлгенди, деген хапарла жюрюйдю |
 |
|
16.07.2026 - 08:48 Белгилисича, Къабарты-Малкъарда китапланы сюйгенлени жамауат биригиулери бизни жазыучуларыбызны, поэтлерибизни чыгъармаларын кенг жайыу жаны бла кёп иш этеди. Ол талпыныуда жетишимли да болады. |
|
