Москва лэжьыгъэ IуэхукIэ щызэхуэзащ УФ-м щIыуэпсым и хъугъуэфIыгъуэхэмрэ экологиемкIэ и министр Кобылкин Дмитрийрэ КъБР-м и Iэтащхьэм и къалэнхэр пIалъэкIэ зыгъэзащIэ КIуэкIуэ КазбекрэМосква лэжьыгъэ IуэхукIэ щызэхуэзащ УФ-м щIыуэпсым и хъугъуэфIыгъуэхэмрэ экологиемкIэ и министр Кобылкин Дмитрийрэ КъБР-м и Iэтащхьэм и къалэнхэр пIалъэкIэ зыгъэзащIэ КIуэкIуэ Казбекрэ. Псалъэмакъыр нэхъыбэу зытеухуауэ щытар Урысейм и Президентым накъыгъэ мазэм къыдигъэкIа Указым ипкъ иткIэ ягъэзащIэ «Экология» лъэпкъ проектым ди щIыналъэр зэрыхэтырщ. Къэралым и Iэтащхьэм УФ-м и Федеральнэ Зэхуэсым Зэрызыхуигъэзам къыщыгъэува къалэныщIэхэм япкъ иткIэ гулъытэ хэха хуащIащ дыкъэзыухъуреихь дунейр хъумэным, экологием зэран хуэхъу Iуэхухэр къэмыгъэхъуным, унагъуэ кIэрыхубжьэ- рыху быдэхэр зэрыдашымрэ зэрагъэкIуэдымрэ япыщIа лэжьыгъэхэр федеральнэ центрым и дэIэпыкъуныгъэкIэ егъэфIэкIуэным, апхуэдэу зыхуэбгъэдэн щымыIэ щIыпIэ хьэлэмэтхэр щыкуэд Къэбэрдей-Балъкъэрым и дежкIэ хэхауэ мыхьэнэшхуэ зиIэ Iуэхум - къэкIыгъэхэмрэ псэущхьэхэмрэ хъумэным хухаха щIыналъэхэр зыхуей хуэгъэзэным.
Поделиться: ЧИТАТЬ ТАКЖЕ:
|