БИРИНЧИ ДАРАЖАЛЫ ЭРИШИУЮНДЕ - ХОРЛАМ

14 января, 2022 - 06:30

Майкопда тёрели ушуну туйшоу, шуайцзяо и лэйтай бёлюмлеринде Россейни чемпионаты бла биринчилиги бардырылгъандыла. Анда бизни республикадан 11 жыл сан къауумда Газаланы Халимат эришгенди. Ол эки алтын бла бир кюмюш майдал къытханды. Энди Халиматны дунияны биринчилигине къатышыргъа онгу барды, ол а быйыл жайда Дондагъы Ростовда ётерикди. Къызчыкъ ушу бла юч жылны кюрешеди, аны тренер Заур Карамурзов юйретеди.

Спортчу эм аны тренери бла регионну спорт министрини орунбасары Аналаны Аслан тюбешгенди. Аслан Хусейнович, аланы жетишимлери бла алгъышлай, мындан арысында да хорламлы болурларын тежегенди эм эсде къалырча саугъала бергенди.

Кульчаланы Зульфия.

  • 27 просмотров

Поделиться:

ЧИТАТЬ ТАКЖЕ:

08.10.2026 - 10:01

Ташла дуниясы

Арт жыллада къауум жаш адам, ташланы кесип, ичлеринде сейир  суратланы ачыкъ этедиле. Суратла уа хар бири да кесича бир башха тюрлю,  бирге ушагъан экисин кёрмезсе.
08.10.2026 - 09:10

Эсгертме жангыртылгъанды

Кёнделеннге кирген жерде «Бушуулу таулу» эсгертмени тёгереги тынгылы жангыртылгъанды, деп билдиредиле Къабарты-Малкъарны Къурулуш эм ЖКХ министерствосундан.
08.10.2026 - 09:09

Эм жууаплы усталыкъда айырмалылагъа – сый, намыс да

Къабарты-Малкъарны Жамауат палатасында Устазны кюнюн белгилеу, ахшы тёре болуп, кёп жылланы барады.
07.10.2026 - 09:03

«Къабарты-Малкъар ол жетишим бла ёхтемленеди»

 КъМР-ни Башчысы Казбек Коков Басхан шахарны 4-чю номерли школуну тарыхдан бла обществознаниядан устазы Заур Шомаховну «Россейде жылны устазы» конкурсда саугъагъа тийишли болгъаны бла алгъышлагъанд
07.10.2026 - 09:02

Къыйматлы оюмну бла файданы арасы къысха болургъа тийишлиди

Нальчикде Жаш тёлюню  юйюнде КъМР-де дизайн бёлюмню айнытыугъа жораланнган форум ётгенди. Аны быйыл жаз башында бардырылгъан «Креатив Эльбрус» форумдан чыкъгъан жумушха санаргъа боллукъду.