НАЛОГ ТЁЛЕУЧЮЛЕГЕ ТАПЛЫКЪГЪА ДЕП

ФНС-ни «Налог тёлеучюню энчи кабинетинде» 41,2 миллион инсан регистрация этгендиле. Жаланда озгъан жылны ахыр ыйыгъында аланы санына 200 минг къошулгъанды, деп билдиргендиле Федерал налог службаны КъМР-де Управлениясындан.

Сагъынылгъан кабинетни интернетде адреси ма буду: https://lkfl2.nalog.ru/lkfl/login. Гражданла бу сервисни бек жаратадыла, дейдиле ведомствода, ары кирип декларацияларын толтурадыла, налогларын да тёлейдиле. Озуп кетген жылда уа анда мюлк эмда инвестицияла жаны бла налогланы къайтарыр амал кийирилгенди. Аны «Женгил къайтарыу» деген бёлюмюнде НДФЛ бла байламлы тёлеуню бир кесегин къайтарыуну юсюнден информация барды. Аны 3-НДФЛ формада декларацияны эмда шагъатлыкъ этген документлени жибермей тамамларгъа онг бериледи.

Ата-аналагъа деп бу сервисде «Юйюр онгла» деген амал барды. Аны хайырындан ала акъылбалыкъ болмагъан сабийлери ючюн налогланы тёлерге боллукъдула.

Былтыр «Энчи кабинетде» тас болгъан тёлеуню излеп тапхан амал кийирилгенди. Адам налогун терс реквизитле бла кёчюрсе неда ол тёлеген ахча системада кёрюнмесе - ма аны хайырланыргъа боллукъду. Алай этерча «Жашау халла» - «Тюрлю-тюрлю халла» - «Тёлеуню излеп табаргъа» деген бёлюмге кирирге керекди. Анда уа тёлеуню ёлчемине бла берилген кюнюне кёре неда УИН номерин жазып табаргъа амал барды.

Бу кабинетде тюрлениулени юсюнден билирге сюйгенлеге анда жангылыкълагъа жазылыргъа боллукъдула. Ала уа электрон почтагъа, СМС неда «Налоги ФЛ» приложенияда push-билдириуле бла жибериледиле.

Улбашланы Мурат.

Поделиться:

ЧИТАТЬ ТАКЖЕ:

10.12.2024 - 15:59

Усталыкъ сайларгъа болушадыла, патриот сезимлерин да кючлейдиле

Кёп болмай КъМР-ни саулукъ сакълау министри Рустам Калибатов «Бир тукъумдан чыкъгъан жигитле»  проектге къатышханла бла тюбешгенди.

10.12.2024 - 09:43

«Миллетибизни ахшы юлгюлерин, намысын, сыйын кёргюзтюрге керекбиз»

Черек ауузну бийик таулары, терен ауушлары, толу череклери эм къонакъбай адамлары битеу къыралда, андан тышында да белгилидиле.

10.12.2024 - 09:14

Жангы жылны къачан эм къалай белгилегендиле?

Бюгюнлюкде Жангы жыл 31 декабрьде белгиленеди.

10.12.2024 - 09:13

Аскерчилени хурметлерин кёрюп

Солуу кюнледе Къашхатауну физкультура-саулукъну кючлеу комплексинде энчи аскер операциягъа къатышхан аскерчилени хурметлерине аскер эм спорт самбодан ачыкъ республикалы турнир ётгенди.

09.12.2024 - 13:42

Бирге ишлеуню къыйматлыгъына тюшюнюп

Кёп болмай Къабарты-Малкъар къырал университет бла «Радий» илму производство предприятие эм Агропромышленный комплекс бла байламлы продукцияны къоркъуусузлугъу  бла  качествосун тинтген федерал ара