Кавказ Ищхъэрэмрэ Франджымрэ я курортхэр зэрыгъэблэгъэнущ

Урысей инвестицэ зэ­хы­хьэшхуэр щекIуэкIым а Iуэхум хиубыдэу Сочэ ­къалэм Iэ щыщIадзащ «Кавказ Ищхъэрэм и курортхэр» акционер зэгухьэныгъэр, «Ла Плань» щIыналъэм зегъэу­жьы­ным­кIэ корпорацэр, «АДС» компанием зэман кIыхь кIэ зэрызэдэлэ-жьэнум ­теухуа урысей-франджы меморанду­мым.

А зэгурыIуэныгъэм ипкъ иткIэ зэтрагъэувэнущ Кавказ Ищхъэрэ турист кластерым хиубыдэ «Архъыз», «Iуащхьэмахуэ», «Ведучи» курортхэмрэ «Франджым щыщ «Парадиски» зэгухьэныгъэм хиу­быдэ «Ла Плань», «Лез Арк», «Пейзе-Валландри» курортхэмрэ я зэкъуэш зэдэлэжьэныгъэр. Документым Iэ щы­щIадзым ­кърихьэлIащ УФ-м Кавказ Ищхъэрэм и Iуэ­хухэмкIэ и министрым и япэ къуэдзэ Байсултанов Одесрэ ­Франджым и лIы­кIуэу Урысейм щыIэ Берманн Сильвирэ.
«Нобэ дарэ зыкъытхуэ­зыщIа компаниехэр хохьэ дуней псом бгы лыжэкIэ къы­щажыхь комплексу, ­къурш зыгъэпсэхупIэу щы­Iэ­хэм ящыщу 22-рэ зыгъэ­лажьэ комплексым. Абы дэри дыдолажьэ Кавказ ­Ищхъэрэ турист кластерыр зэдгъэпэщу зэрыщIэддзэ-рэ. А зэгухьэныгъэм тэ­-мэму лажьэ курортхэр зэтегъэувэнымкIэ зы­хуэб­гъэ­дэн щы­мыIэ зэфIэкI бгъэ­дэлъщ икIи ар дэри ди проектым къы­щыд­мы­гъэ­сэбэпу хъу­ну­къым, - жиIащ меморанду­мым  Iэ щIидза нэужь  «Кав­каз Ищхъэрэм и курортхэр» акционер зэгухьэныгъэм и генеральнэ директор ТIы­мыжь Хьэсэн. - АдэкIэ кооперацэм нэхъри зиубгъунущ икIи ди курортхэм я хьэщIэхэри къы­зэщIиубыдэнущ, сыту жы­пIэмэ бгы лыжэ спортым дихьэххэм я дежкIэ къэрал гъунапкъэ щы­Iэкъым».
ЛъэныкъуитIым я зэ­дэ­лэжьэныгъэр хуэунэтIауэ щы­тынущ бгы лыжэ ту­риз­мэм хуащI гулъытэм хэ­гъэхъуэным, физкульту­рэмрэ спортымрэ зегъэу­жьыным, узыншагъэр хъу­мэным хуэу­нэтIа псэукIэр зэтегъэувэ­ным. Апхуэдэу абы къы­зэ­щIиубыдэнущ Франджымрэ Кавказ Ищхъэрэм и щIыналъэхэмрэ яку дэлъ гуманитар, щэнхабзэ лэжьыгъэ­хэри. Лъэ­ны­къуитIми я турист компаниехэмрэ хьэ­щIэщ бизнесымрэ я лIы­­кIуэхэр зыр адрейм деж щыхьэщIэнущ, дэтхэнэми и лэ­жьэ­кIэм щыгъуазэ защIын папщIэ, апхуэдэу физкультурэ-спорт Iуэхухэр, зэ­хьэ­зэхуэхэр, зэIущIэхэр, бгы-лыжэ туризмэм зе­гъэу­жьыным пыщIа семинархэр къызэрагъэпэщынущ. Ап­хуэ­дэу йогупсыс къэралитIым я музыкаль­нэ гупхэр хэту Франджым и махуэхэр Кавказ Ищхъэрэм, Кавказ Ищхъэрэм и махуэхэр Франджым щегъэкIуэкIыным.
«Парадиски» зэгухьэныгъэм и лIыкIуэ Фарини Жан-Марк тепсэлъыхьащ лъэ­ныкъуитIыр зэман кIы­хьым тещIыхьауэ зэры­зэ-д­э­лэжьэнум. «Дэ дыхэтащ «Архъыз», «Iуащхьэмахуэ», «Ведучи» комплекс­хэм я проект­хэр зыгъэ­хьэ­зырахэм икIи а зыгъэ­п­сэ­хупIэхэм къекIуа­лIэхэр гъэ къэс нэхъыбэ зэ­рыхъум дрогушхуэ. Нобэ дэ ди ­зэ­дэ­лэжьэныгъэм и ­къы­­­кIэлъыкIуэ напэкIуэ-цIыр къы­зэIудохри, быдэу ­ди фIэщ мэхъу ди къэ­ралым щыщу бгы лыжэм дихьэххэри Кавказ Ищхъэрэм яфIэгъэщIэгъуэну къакIуэу зэрыхуежьэнур»,-жиIащ абы.
«Сочэ-2019» Урысей инвестицэ  зэхыхьэшхуэм «Кавказ  Ищхъэрэм и курортхэр» акционер зэгухьэныгъэм и зэфIэкIхэр щигъэлъэгъуащ Урысей Федерацэм Кавказ Ищхъэрэм и IуэхухэмкIэ и министерствэм, «Кавказ Ищхъэрэм и курортхэр» акционер зэгухьэныгъэм, «Кавказ Ищхъэрэм зегъэужьынымкIэ корпорацэ» акционер зэгухьэныгъэм, «Кавказыр ­зэ­­гъэ­лъагъу» фондым, Кавказ Ищхъэрэ федеральнэ округым и щIыналъэхэм зэщIыгъуу къы­зэ­ра­гъэпэща стендым хиу­быдэу.

«Кавказ Ищхъэрэм и курортхэр» акционер зэгухьэныгъэм и пресс-IуэхущIапIэ.

 

Поделиться:

ЧИТАТЬ ТАКЖЕ:

29.03.2024 - 08:57

ХЬЭЩIЭХЭМ ДЫКЪЫХАГЪАЩIЭ

Урысей Ипщэмрэ Кавказ Ищхъэрэмрэ регби 7-мкIэ пашэныгъэр къыщыхьыным теухуа зэхьэзэхуэ иджыблагъэ Налшык къалэм щекIуэкIащ.

29.03.2024 - 08:56

ГУАПЭУ ЯГУ КЪАГЪЭКIЫЖ

КъБР-м щIыхь зиIэ и журналист, Урысей Федерацэм, Къэбэрдей-Балъкъэрым щэнхабзэмкIэ щIыхь зиIэ я лэжьакIуэ, жылагъуэ лэжьакIуэ, «Советская молодёжь» газетым и редактор нэхъыщхьэу щыта Къардэн Мухьэм

29.03.2024 - 08:56

ХАДЭХЭКI ФIЭIУГЪЭХЭМКIЭ ДЫПАШЭЩ

Пхъэщхьэмыщхьэмрэ хадэхэкIымрэ къыхащIыкI консерву Кавказ Ищхъэрэм къыщыщIагъэкIым и процент 90-р Къэбэрдей-Балъкъэрым къылъос.

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.