Социал инфраструктураны жангыртыугъа ахча бёлюнюрюкдюРоссейли инвестиция форумну кезиуюнде Къабарты-Малкъар Республиканы бла Социал ишлеге инвестицияланы агентствосуну араларында бирге ишлерге деп сёз тауусулгъанды. Келишимге КъМР-ни Башчысыны къуллугъун болжаллы халда толтургъан Казбек Коков бла коммерциялы болмагъан организацияны толтуруучу директору Илья Ковалев къол салгъандыла. Документге кёре, регионну социал инфраструктура объектлерин, ол санда саулукъ сакълау, билим бериу, ЖКХ, спорт мекямланы, жангыртыугъа энчи иеледен инвестицияла келирча мадарла этерге белгиленеди. Агентство терк медицина болушлукъ берген службаны автопаркын бла школ автобусланы андан ары жангыртыу, стоматология службаны айнытыу, билим бериу учреждениялада тишлеге бакъгъан кабинетлени ырысхы-техника онгларын игилендириу, шёндюгю футбол комплексле ишлеу, жашау журтла-коммунал мюлкню жумушларыны качествосун кётюрюу, жылыу бла жалчытхан эмда исси суу баргъан системаланы бузукълукъларын кетериу жаны бла проектлени кёргюзтюрге хазырды.
Поделиться: ЧИТАТЬ ТАКЖЕ:
|