Къэбэрдей-Балъкъэр Республикэм и Iэтащхьэм и къалэнхэр пIалъэкIэ зыгъэзащIэ  КIуэкIуэ Казбек республи­- кэм и Правительствэм и Унэм щыхуэзащ УФ-м и Федеральнэ Зэхуэсым и Къэрал Думэм ФизкультурэмкIэ, спортымкIэ, туризмэмрэ щIалэгъуалэм я IуэхухэмкIэ и комитетым и унафэщI Дегтярёв Михаил.
ЗэIущIэм щытепсэлъыхьащ ди щIыналъэм зыщагъэпсэху, узыншагъэр щрагъэфIакIуэ и комплексым зегъэужьыным, а IэнатIэм къэралым и дэIэпыкъуныгъэ етыным.
Щхьэхуэу хэплъащ щIалэгъуалэр гъэсэным, волонтёр, жылагъуэ Iуэхухэм ахэр къыхэшэным хуэгъэзауэ лъэны­къуитIым зэщIыгъуу зэфIагъэкIыфынухэм.
КIуэкIуэ Казбек хьэщIэм фIыщIэ хуищIащ республикэм и нэIэ къызэрытригъэтым икIи жэрдэм зэмылIэужьыгъуэхэр пхыгъэкIынымкIэ къызэрыдэIэпыкъум папщIэ.