ТУРИСТЛЕНИ САНЫ ЭКИ КЕРЕГЕ КЁБЕЙГЕНДИ

Быйыл озгъан тогъуз айда Къабарты-Малкъарда 840 минг турист болгъандыла. Ол былтыр бу заман бла тенглешдиргенде, эки кереге кёпдю.

- Озгъан тогъуз айны эсеплерине кёре, республикагъа 840 минг чакълы турист келгенди, неда былтырдан эсе эки кереге кёп. Сёз ючюн, буруннгу жылда аланы саны жаланда 602 мингнге жетгенди. Алай бла курортларыбызда бир миллион адам солурча стратегиялы планны толтурургъа кёп къалмагъанды. Анга тийишили инфраструктураны да хазырлап башлагъанбыз, - деп билдиргенди КъМР-ни экономиканы айнытыу министри Рахайланы Борис Нальчикде «СКФО-ну айнытыу эм инвестицияланы къыйматлыгъы» деген форумда.

Министр айтханнга кёре, туризм экономика жаны бла республиканы магъаналы бёлюмлеринден бириди. Бюгюнлюкде отрасльде 220 предприятие къармашадыла, алада уа 5 мингден аслам адам урунады. Бусагъатда къонакъ юйледе 16 минг солуучугъа жер барды. Туризмни айный баргъанын кёпле коронавирусдан сора чекле кетерилгенлери бла байламлы кёредиле. Болсада   республикада тийишли инфраструктура айный баргъанын да унутургъа жарамайды.  

Эсге сала айтсакъ, быйыл жылны биринчи жарымында регионну 520 минг турист жокълагъанды. Ол а былтырдан эсе 43,6 процентге асламды. Хар замандача, къонакъла асламысында белгили маршрутланы Элбрусну, Чирик кёллени, Чегем чучхурланы, Аушигерни жылы сууларын, Огъары Малкъарны эм «Бызынгы» альплагерьни сайлайдыла.  

Магометланы Сулейман.

Поделиться:

ЧИТАТЬ ТАКЖЕ:

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.

28.03.2024 - 09:03

ГИТЧЕ ЭМДА ОРТА БИЗНЕСНИ МАГЪАНАСЫ УЛЛУДУ

Къайсы къыралда неда аны ичинде субъектде экономиканы айнытыугъа уллу къошумчулукъ этгенле гитче эмда орта бизнес бла кюрешгенледиле эмда энчи предпринимательледиле.

28.03.2024 - 09:03

ИНВЕСТИЦИЯЛАГЪА – ЭНЧИ ЭС

Жангы предприятияла къурарча, производствону кенгертирча, инвестицияла этмей, башхача айтханда ишге ахча салмай боллукъ тюйюлдю.

27.03.2024 - 14:04

КЪАБАРТЫ-МАЛКЪАР РЕСПУБЛИКАНЫ БАШЧЫСЫ К.В.КОКОВНУ РОССЕЙ ФЕДЕРАЦИЯНЫ МИЛЛЕТ ГВАРДИЯСЫНЫ АСКЕРЛЕРИНИ КЮНЮ БЛА АЛГЪЫШЛАУУ

Росгвардияны Къабарты-Малкъар Республикада Управлениясыны хурметли аскерчилери, ишчилери эмда ветеранлары! Сизни Россей Федерацияны Миллет гвардиясыны аскерлерини кюню бла алгъышлайма!

27.03.2024 - 09:07

САКЪАТ САБИЙЛЕ ОКЪУУСУЗ КЪАЛМАЗЧА

Къабарты-Малкъарны Жамауат палатасында республиканы билим бериу учреждениялада сакъат эм къыйын ауругъан сабийлени окъутуу не халда болгъаны тинтилгенди.