Къуршыпс къиуахэм зэтракъутахэр Къэбэрдей-Балъкъэрым щызэрагъэпэщыж. КъБР-м и Iэтащхьэ КIуэкIуэ Юрий и унафэмкIэ республикэм щагъэуващ къызэрымыкIуэ щытыкIэм и хабзэр.

Къэхъуа щытыкIэр гъэзэкIуэжыным пыщIа Iуэхухэр дэзыгъэкI бригадэхэр, техникэ хэлъэр къагъэсэбэпурэ, Iуащхьэмахуэ районым щыщ Теге­некли къуажэм махуэ ещанэ хъуауэ щолэжь гъуэгур зэгъэ­пэщы­жы­ным, Бахъсэн псыр Чегет куейм щIэмыгъэуэным, ­федеральнэ гъуэгум телъ лъэ­мыжыр, унагъуэ лъап­сэхэр псым щыхъумэным. Нобэм ирихьэлIэу Iуэху­щIапIэхэмрэ унагъуэхэмрэ псыкIэ, газкIэ, электрокъарукIэ къызэрагъэпэщыжащ. Зэблэу къы­хэ­мыкIыу мэлажьэ медицинэм и IуэхущIапIэхэр, еджапIэхэр, зыгъэпсэхупIэхэр.

Шэрэдж районым иджыпсту шынагъуэ щыIэщ псы къиуар цIыху минитхум нэблагъэ зыдэс Аушыджэр къуажэм щIэуэнкIэ. Абы къыхэкIыу властым и IэнатIэхэм къарууэ щыIэр хузэщIагъэуIуэ цIыхухэм шы­нагъуэ ятемыгъэхьэным.

Сыт хуэдэ къэхъукъащIэхэми и зэманым япэщIэувэн папщIэ къызэрагъэпэщауэ мэлажьэ къызэ­рымыкIуэ щытыкIэхэр къэмыгъэхъунымрэ абы и лъэужьхэр гъэзэкIуэжынымкIэ Правительствэм и ­комиссэр.