КЪАБАРТЫ-МАЛКЪАРДА ЮЙЛЕГЕ ЖЫЛЫУ БЕРИЛИП БАШЛАНАДЫКъабарты-Малкъарны Башчысы Казбек Коковну буюурууна кёре, шёндю болгъан эпидемиология болум бла эм адамаланы тилеклерин да эсге алып, 30 сентябрьден тебиреп, республикада жылыу бериу кезиу башланады. Регионну 2021-2022 жыллада кюз-къыш кезиуге хазырлыгъыны юсюнден паспортуна кёре, жашау-коммунал комплексге кирген мекямла комиссиялы къарауланы ётгендиле эм фатарлагъа, башха жерлеге да жылыуну берип башларгъа хазырдыла. Бюгюнден тебиреп батареяланы жылы суу бла толтуруу ишле башланырыкъдыла. Ал кюнлени ичинде Къабарты-Малкъарда жашагъанланы юйлерине жылыу берилликди, деп билдиргендиле КъМР-ни Башчысыны бла Правительствосуну пресс-службасы.
Поделиться: ЧИТАТЬ ТАКЖЕ:
|