Коллегия Аманлыкъчылыкъ бла право низамны сакълаучу органла бирден кюч салып кюреширге керекдиле

 КъМР-ни Башчысыны къуллугъун  болжаллы халда толтургъан Казбек Коков республиканы прокуратурасыны кенгертилген коллегиясына къатышханды. Анда надзор ведомствону 2018 жылда ишини эсеплери  чыгъарылгъандыла. Кенгешде РФ-ни Баш прокуроруну орунбасары Иван Сыдорук, КъМР-де баш федерал инспектор Евгений Ткачев да болгъандыла. Билдириу бла  КъМР-ни прокурору Олег Жариков сёлешгенди.
Жыйылгъанланы аллында сёлеше, Казбек Коков  былтыр прокурор тинтиуле къоркъуусузлукъ, адамланы жашау болумлары, излемлери бла байламлы битеу сфералада да бардырылгъанларын чертгенди.  Ол а законла сакъланмагъан кезиулени,  адамланы эркинликлерине бузукълукъланы ачыкъларгъа, право низамны сакълаучу органланы аманлыкълагъа къажау кюрешлерин бирикдирирге, коррупцияны азайтыргъа, урунуу жорукъланы  толтурургъа, предпринимательлени праволарын жалчытыргъа онг  бергенди. Право низамны сакълаучу органла  бла бирге тамамланнган жумушла  жамауат-политика ышаннгылылыкъны, къоркъуусузлукъну тохташдырыргъа себеплик этгенлерин да чертгенди республиканы оноучусу.
Былтыр а магъаналы жамауат-политика ишле кёп болгъандыла, аланы арасында Россейни Президентин айырыу энчи жерни алады. КъМР-де къол кётюрюу къуралыулу, бийик даражада баргъанды.   Анда уа прокуратураны, право низамны сакълаучу битеу органланы да къыйынлары уллуду деп, Казбек Коков прокурорлагъа ишчи борчларын бет жарыкълы толтургъанлары, КъМР-ни къырал власть органлары бла хайырлы байламлыкъла къурагъанлары ючюн ыспас этгенди.  
Аны бла бирге жамауатны  тынгысыз этген сылтаула  энтта бардыла. Казбек Коков адамланы урунургъа  эм жашау журтлагъа  эркинликлери сакъланмагъанларына, экология, жер  бла байламлы тарыгъыула кёп болгъанларын эсгертгенди. «Урунууну юсюнден  законланы  толтуруугъа энчи эс бурургъа тийишлиди. Ол барыбызны да баш борчубузду, бек алгъа уа - прокуратураны. Айлыкъ заманында тёленмегенине, аллай башха бузукълукълагъа жол бермезге керекди. Прокурорла   социал  болушлукъ, пенсия, тюрлю-тюрлю пособияла тёленнгенде инсанларыбызны  эркинликлери сакъланырларын контрольда тутаргъа борчлудула. Сизни бу жаны бла ишигиз къыйматлы болса, адамла къыралыбызны кючюне,  тюзлюк болуруна ийнанырыкъдыла»,-дегенди Коков.
Сёз жашау журт эм архитектура законланы сакълауну, шахарда къурулуш бардырыу жаны бла жорукъланы юслеринден да баргъанды. Алада    бузукълукъла аслам болгъанлары, инсанланы жашау журт-коммунал сферада эркинликлерин жалчытыуда надзорну къатыландырыргъа кереклиси да белгиленнгенди. ЖКХ бла байламлы бир-бир компанияла борчларын тийишлисича тамамламай, адамланы алдап, ахчаларын къымгъан шартла болгъанларын да эсгертгенди  республиканы Башчысы.

Право низамны сакълаучу органланы аманлыкъчылыкъгъа къажау ишлерин бирикдириу, аны къыйматлылыгъын кётюрюу, криминоген болумну алгъадан ачыкълау прокуратураны энчи борчлары  болгъанларын чертгенди ол. «Законну бузгъан жууапха тартылмай къалмазлыгъына тюшюнюрча мадарла этерге керекди.

Экономика сферада осал ишлени тохтатыугъа уа магъана берирге тийишлиди. Коррупция аманлыкъланы азайтыуда прокуратураны ишин бютюн бийик даражагъа  кётюрюрге боллукъ эди. Республиканы мюлкю къалай хайырланнганына, къырал эм муниципал жумушланы толтурууда  законланы сакълаугъа энчи эс бурургъа, къуллукъларын кеслерине таплыкъгъа хайырланнган шартланы жокъ этерге  тийишлиди. Аны бла бирге бюджет ахчаны къоратыугъа надзорну къатыландырыргъа керекди.
Россей Федерацияны Президентини май указларыны чеклеринде жарашдырылгъан 12 миллет проектни республикада жашауда бардырыргъа къырал ахча бёледи. Ол белгиленнген жумушлагъа къоратылырын жалчытыу барыбызны да баш борчубузду»,-деп къошханды Казбек Коков.
Предпринимательлени эркинликлерин сакълаугъа, мюлклени праволарын жалчытыугъа да энчи эс бурулургъа тийишлиди. Казбек Коковну айтханына кёре, социал, билим бериу, саулукъ сакълау бла байламлы жумушланы толтургъан организацияланы ишлерине контрольну азайтыргъа жарамайды. «Жамауат-политика ышаннгылылыкъны сакълау республиканы айнытыуну баш амалларындан бириди. Аны ючюн бу соруула  ишигизде энчи жерни алыргъа керекдиле»,- деп белгилегенди  ол.
Сёзюню ахырында Казбек Коков прокуратура Россейде  право низамны сакълаучу системаны баш магъаналы кесеги  болгъанлай къалгъанын чертгенди. Анга  салыннган борчланы уа жаланда билимли, сынаулу адамла толтураллыкъдыла, алагъа уллу полномочияла берилген эселе да, къуллукъларына кир къондурмазгъа,  профессионал сынауларын кёргюзтюрге керекдиле, дегенди.
- Сиз ишчи борчугъузну бет жарыкълы толтурур, тынчлыкъны, ышаннгылыкъны сакълар, законлукъну, право низамны жалчытыр ючюн къолдан келгенни этеригигизге ишеклигим жокъду. Барыбыз да бирге къадалып кюрешсек,  къыралны Президенти Владимир Путинни экономиканы, социал  сфераны терк айнытыугъа, адамларыбызны жашау болумларын, къолайлыкъларын игилендириуге бурулгъан  стратегия магъаналы буйрукъларын толтураллыкъбыз,-дегенди республиканы оноучусу.

Поделиться:

ЧИТАТЬ ТАКЖЕ:

29.03.2024 - 17:29

САКЪАТЛЫКЪЛАРЫ БОЛГЪАНЛАГЪА БОЛУШУРЧА

Къабарты-Малкъарны Жамауат палатасында «тёгерек столда» психикаларында энчиликлери болгъан адамланы реабилитацияларын бардырыуда саулукъ сакълау, социал къорууланыу учрежденияланы эм коммерциялы бо

29.03.2024 - 09:05

БАХЧАЛАНЫ БУЗДАН КЪОРУУЛАРГЪА – 40 МИЛЛИОН СОМ

Быйыл эл мюлк жерлени буз уруудан къорууларча мадарлагъа Къабарты-Малкъарны бюджетинден 40 миллион сом бёлюнюрюкдю.

29.03.2024 - 09:04

КАРТОФДАН БАЙ ТИРЛИК КЪУУАНДЫРАДЫ

Шимал-Кавказстатны управлениясындан  билдиргенлерича, былтыр Къабарты-Малкъарны  мюлклерини барысында да картофдан  154,6 минг тонна  жыйылгъанды.  Ол былтырдан 1,8 процентге кёпдю.

29.03.2024 - 09:04

ТАНГ КЕСЕК КОНСЕРВА ЧЫГЪАРЫЛАДЫ

Къабарты-Малкъар тахта кёгетледен консервала жарашдырыу бла эки жылны ичинде алчы жерни алады. Ол санда былтыр, 363,8 миллион банка чыгъарылгъанды.

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.