|
Къэбэрдей-Балъкъэрым зеужь
22 января, 2019 - 12:27
Апхуэдэу министрыр щыIащ Шэджэм къалэ дэт «Сад-Сервис» ООО-м, Бахъсэн къалэ щыIэ, «АГРО-КОМ» ООО-м, Аруан куейм и «НЭЖАН» ООО-м, Лэскэн щIыналъэм хиубыдэ Ташлы-Тала къуажэм къыщызэIуаха курыт еджапIэм, Шэрэдж районым дащIыхьа, псы щрагъахъуэ заводым, нэгъуэщIхэми.
Къыхэгъэщыпхъэщ, жыгхэр уэм щызыхъумэ сеткэхэм щIэгъэкъуэн хуащI пкъохэр щагъэж «Сад-Сервис» ООО-р, Шэджэм къалэм щылажьэр, къэрал мылъкум и закъуэ мыхъуу, уней хьэрычэтыщIэхэри мылъкушхуэкIэ къыхэувэу зэраухуар. Псалъэм папщIэ, абы и лэжьыгъэр зэтеублэным текIуэдащ сом мелуани 150-рэ. А бжыгъэм щыщу сом мелуан 88-р уней мылъкущ.
Мэкъумэш IэнатIэм къыщагъэсэбэп пластмассэхэкI зэмылIэужьыгъуэхэр щащI Бахъсэн куейм 2010 гъэм къыщызэIуаха «СтройМаш» ООО-м. Австрием и Engel фирмэм къыщIигъэкI термопластавтоматхэмкIэ къызэгъэпэщащ ар икIи долажьэ иужьрей зэманым къигъэув мардэхэм къезэгъ полимер быдэхэр, зехьэгъуафIэхэр щащI, щагъэунэху Къэбэрдей-Балъкъэр къэрал университетым. Министрым зригъэлъэгъуащ заводым и Iуэхур зэрыкIуатэр, зэрызаужьар.
АдэкIэ КIуэкIуэмрэ Чеботарёвымрэ еблэгъащ лэч зэмылIэужьыгъуэхэр къыщыщIагъэкIыу Аруан щIыналъэм дащIыхьа заводым. Фигу къэдгъэкIыжынщи, «НЭЖАН» ООО-м сом мелуан 256-рэ текIуэдащ икIи абы илъэсым къриубыдэу лэч тон мини 10 къыщIегъэкI, цIыху 29-рэ щолажьэ. Министрыр щыгъуазэ зэращIамкIэ, заводыр щIыуэпсым зэран хуэхъуркъым, санитариемрэ экологиемрэ къагъэув мардэхэм темыкIыу я лэжьыгъэр зэтеублащ.
КъулыкъущIэр къафэрэ уэрэдкIэ ирагъэблэгъащ Лэскэн куейм хиубыдэ Ташлы-Тала къуажэм къыщызэIуаха школыщIэм. КъБР-м и Iэтащхьэм и къалэнхэр пIалъэкIэ зыгъэзащIэ КIуэкIуэ Казбек псалъэ гуапэкIэ захуигъэзащ къатитIу зэтет курыт еджапIэр ухуэным зи гуащIэ хэзылъхьахэм. Бгылъэ къуажэ пхыдзам дащIыхьа школым щеджэнущ цIыкIуи 121-рэ. Школыр щаухуэм сом мелуани 111-рэ текIуэдащ.
- Сэ быдэу си фIэщ мэхъу зи IэщIагъэм хуэпэж, щIэныгъэшхуэ зыбгъэдэлъ егъэджакIуэхэр мы школым зэрыщылажьэр. Апхуэдэу, мыбы щеджэ сабий зэчиифIэхэми ехъулIэныгъэшхуэхэмкIэ дызэрагъэгуфIэнум шэч къытесхьэркъым. Дэри ди къалэныр нэсу зэрыдгъэзэщIэным яужь дитынущ: зыхуей хуэгъэза, нобэрей гъащIэм екIу еджапIэщIэхэр, сабийхэм зыщрагъэужь IуэхущIапIэщIэхэр нэхъыбэу къызэIутхынущ, - жиIащ КIуэкIуэм, къуажэдэсхэм захуигъазэу.
Абы иужькIэ, Чеботарёвым щыгъуазэ зищIащ Бабугент щаухуа, псы щрагъахъуэ заводым и лэжьэкIэм. Бжьыхьэ кIуам къызэIуаха заводым къыщыщIагъэкI псыр Москварэ Калининградрэ яшэ.
КъищынэмыщIауэ, Шэрэдж щIыналъэм и администрацэм и Iэтащхьэ Муртазов Борис зэрыжиIамкIэ, лыжэ спортым а щIыналъэм зыщегъэужьыным гектари 100 хуха-хащ. Iуэхур зэтеублэным сом мелуан 750-рэ текIуэдэну къалъытэ.
А псоми щыгъуазэ зи- щIа нэужь Чеботарёвыр яIущIащ республикэм и хъыбарегъащIэ IуэхущIапIэхэм я лэжьакIуэхэм.
- Уи гуапэ мыхъуу къанэркъым Къэбэрдей-Балъкъэр Республикэр къэрал Iуэхухэм жыджэру зэрыхэтыр, иджырей зэманым къигъэув мардэхэм къезэгъыу IуэхущIапIэ зэмылIэужьыгъуэхэр мыбы зэрыщаухуэфыр. Республикэм исхэм я псэукIэр йофIа-кIуэ, экономикэм зеужь, цIыхухэм лэжьапIэ ират. Ар куэд и уасэщ. Гу лъытапхъэщ къыхуагъэува пIалъэм фIрамыгъэшу IуэхущIапIэхэр и чэзум лажьэу зэраутIыпщам. Ахэр щаухуа щIыналъэхэм я закъуэ мыхъуу, республикэ псом хуэщхьэпэну быдэу си фIэщ мэхъу, - жиIащ министрым.
|
20.04.2024 - 12:25 Къэрал куэдым мэлыжьыхьым и 19-р «Ажэгъуэмэм и махуэу» щагъэлъапIэ. Абы гулъытэ хэIэтыкIа хуэщIыпхъэу къалъытэу, япэ дыдэу, I984 гъэм, Iуэхур къыщрахьэжьар Инджылыз къэралыгъуэрщ. |
|
20.04.2024 - 09:03 Къэбэрдей-Балъкъэр Республикэм мы гъэм еханэу щекIуэкIынущ «ТекIуэныгъэм и диктанткIэ» зэджэ, гъэсэныгъэ мыхьэнэшхуэ зиIэ Iуэхугъуэ щхьэпэр. |
|
19.04.2024 - 09:01 Тамбукъан гуэл шыугъэм илъэс 700 тхыдэ къызэринэкIащ. Абы ит псыр ижыркъым, мыл ткIужхэмрэ уэшххэмкIэ ирикъуу аращ. Абыхэм къадэкIуэу ябрууауэ щыта жапIэхэмкIэ абы хохъуэ минеральнэ псы. |
|
19.04.2024 - 09:01 2024 гъэм и япэ мазищым къызэрагъэлъагъуамкIэ, хьэщIэщым къыщыувыIэну махуэу зыщрагъэтхамрэ абы щыщIэтIысхьа махуэмрэ я зэхуакум дэлъ пIалъэм и кIыхьагъымкIэ Къэбэрдей-Балъкъэрым къэралым и щIыналъ |
|
18.04.2024 - 12:25 2024 гъэм и япэ мазищым къриубыдэу Къэбэрдей-Балъкъэрым зыщызыплъыхьыну къэкIуа туристхэм я бжыгъэр мин 398-рэ хъуащ икIи ар процент 24,8-кIэ нэхъыбэщ къапщытэж лъэхъэнэм ирихьэлIэу нэгъабэ щыIа бж |
|