Къабарты-Малкъарда быйыл бир талай  жангы школ ишленирикди эмда орта билим бериу учрежденияланы мюлк-техника жаны бла онглары да игиленирикди. «Жангы школ» деген проектге кёре элледе мектепле сюерге, отуз чакълы биринде уа мюлк-техника болумларын жангыртыргъа умут барды. Сёз ючюн, 2019-2020 жыллада Солдатская станицада 250 окъуучугъа мектепни къурулушу бардырыллыкъды. Эм азындан оналты школда уа цифралы технологияла сингдирилликдиле. Дагъыда волонтёрлагъа себеплик этилликди, устазланы билимлерин тохтаусуз ёсдюрюу арала эмда волонтёрлукъ  проектлеге тири къатышханлагъа билеклик этиуню социал системасы да къураллыкъды.
«Хар сабийни жетишими» деген проектни чеклеринде,  къошакъ билим бериу программаланы бардырырча жангы жерле къураллыкъдыла. Физкультура эм спорт бла кюреширча мюлк-техника мурдорну жангыртыргъа, технопаркла ачаргъа, саулукъларында бир тюрлю кемчиликлери болгъан сабийлени араларында къошакъ билим алгъанла кёбюрек болурча, хунерлилени табаргъа  эм айнытыргъа болушурча регион ара да ишлерге умут барды.