АДЫГЭШЫМ ЗЫРИ КЪЫЛЪЭЩIЫХЬАКЪЫМ

Урысейм шы спортымкIэ и федерацэм хъыбар къызэрыдигъащIэмкIэ, Мэзкуу областым хыхьэ Луховицы къалэм и Iэгъуэблагъэм шыщхьэуIум и 13-14-хэм зэхьэзэхуэ зыбжанэ щызэхэтащ: дунейпсо мыхьэнэ зиIэ шыгъажэ кIыхьрэ Мэзкуу областым и чемпионатрэ.
Фигу къэдгъэкIыжынщи, Урысейм шы спортымкIэ и федерацэм къэралым щыщ хэгъэгу 72-рэ къызэщIеубыдэ, унэтIыныгъи 8-кIэ шы зэхьэзэхуэхэр ирегъэкIуэкI.
Зи гугъу тщIы зэхьэзэхуэхэм щыщ къудамитIым КъБР-м щыщ шухэр щытекIуащ. Ахэр километри 120-м япэ увыпIэ къыщызыхьа Къалэхэ Мухьэмэдрэ (шым и цIэр Юпитерщ) километри 100-м япэу къыщыса Махуэхэ Мухьэмэдрэщ. ГуфIэгъуэр тIуащIэ ещI Къалэ Мухьэмэд зытесар адыгэшу зэрыщытми.
Дунейпсо мыхьэнэ зиIэ зэхьэзэхуэщ Къалэ Мухьэмэд зыхэтар. Урысеймрэ Белоруссиемрэ щыщу шууиплI зытехьа гъуэгуанэм и кIэм нэсаитIым ящыщу япэу къэсар Къалэрщ. Арэзы укъещI шыхэм къагъэлъэгъуа псынщIагъми: зы сыхьэтым – километр 16,49-рэ. Дыжьын медалыр зыIэрыхьар Черник Владимирщ.
Зытесар мыадыгэшми, япэ увыпIэр къихьащ Мэзкуу областым и чемпионатым хэта Махуэхэ Мухьэмэди. ЕтIуанэр – Лосевэ Дарье къихьащ, Гоголь Николай ещанэу къэсащ. Мухьэмэд зытеса Ламбертэ къызыкъуиха псынщIагъыр текIуэныгъэ къудей мыхъуу, Урысейм щагъэува рекорду къалъытащ: зы сыхьэтым – километр 22, 37-рэ.

Чэрим Марианнэ.

Поделиться:

ЧИТАТЬ ТАКЖЕ:

13.11.2026 - 17:06

Зэдэлэжьэныгъэ щхьэпэ

КъБР-м и Iэтащхьэ КIуэкIуэ Казбек лэжьыгъэ IуэхукIэ иригъэблэгъащ ЩIалэгъуалэ IуэхухэмкIэ къэрал агентствэм и унафэщIым и къуэ­дзэ Зотовэ Лейлэ. 

13.11.2026 - 09:03

Усыгъэр щIэблэм зыхрагъащIэ

Дзэлыкъуэ районым хыхьэ Малкэ къуажэм ЩэнхабзэмкIэ и унэм ще­кIуэ­кIащ Урысейм  и лъэпкъхэм я литературэм и фес­тиваль.

13.11.2026 - 09:03

СыткIи нэсу къызэгъэпэщауэ

Курыт еджапIэхэр къызыхуэтыншэу зэгъэпэщыжыным хуэунэтIа программэр республикэм гъэзэщIэн щыщIадзащ 2022 гъэм.

12.11.2026 - 09:07

Зэхэшэ шэбэщ

Шэджэм районым хыхьэ Ла­шынкъей къуажэм Къуэныкъуей Назир и цIэр зэрихьэу дэт курыт еджапIэ №1-м иджыблагъэ зэ­хыхьэ щхьэпэ щрагъэкIуэкIащ, мы гъэр УФ-м и лъэпкъхэм я зэ­къуэтыныгъэм и илъэсу зэры­

12.11.2026 - 09:05

ЗэIущIэшхуэм зыхуагъэхьэзыр

ЩIэныгъэхэмкIэ Дунейпсо Адыгэ академием и зэIущIэ екIуэкIащ щэкIуэгъуэм и 6-м. Ар теухуат академием къыпэщылъ зэ­IущIэшхуэм зэрыхуэхьэзырым.