НыбжьыщIэхэри егъэджакIуэхэри щогуфIыкI

«Урысей зэкъуэт» политикэ партым и «ЩIэблэщIэ гвардие» зэщIэхъееныгъэм ди республикэм щиIэ къудамэм мы махуэхэм лэжьыгъэ щхьэпэ щызэфIахащ. Зэгухьэныгъэм и унафэщI Абазэ Албэч я пашэу, зэщIэхъееныгъэм жыджэру хэт щIалэгъуалэм Налшык и курыт школ ­№10-м къедза щIыпIэм къыщызэрагъэпэщащ спорт утыку хъарзынэ.
ЕджакIуэхэм мы лъэхъэнэм загъэ­псэхуми, абыхэм ящыщу спортымрэ физкультурэмрэ дахьэх куэд къокIуалIэ школым, я Iэпкълъэпкъым зрагъэужьу, топ щы­джэгуу. Метр зэбгъузэнатIи 100 къызэ­щIэзыубыдэ утыкущIэр нэхъапэм баскетбол джэгупIэ къудейуэ щытамэ, иджы абы зыщыхуэбгъасэ хъунущ нэгъуэщI спорт лIэужьыгъуэхэми. Къапщтэмэ, ныбжьыщIэ­хэм папщIэ къызэрагъэпэщащ жэным хуэщIа лъагъуэ хэхахэр, лъэным епха, зыщыщIэпIэтэ, гырэ хьэлъэхэм ущеIэ хъу, нэгъуэщI спорт Iуэхугъуэхэми хуэщIа щIы­пIэхэр. Абыхэм ящыщ дэтхэнэри хуэунэтIащ ныбжьыщIэхэм я узыншагъэр, ябгъэдэлъ спорт зэфIэкIхэр ирагъэфIэкIуэным, нэхъ къарууфIэ хъуным.
- А курыт еджапIэм екIуалIэхэр щIыбым щыIэ спорт утыку тэмэм зэрыхуэныкъуэм гу лъытта нэужь, дэ мурад тщIащ ди зэфIэкIрэ къарурэ а Iуэхум етхьэлIэну, - жеIэ Албэч. - МылъкукIэ зыкъытщIагъэ­къуэну дызэлъэIуа Штаб нэхъыщхьэми къыддаIыгъащ ди жэрдэмыр. Иджы мис: зи узыншагъэр езыгъэфIэкIуэну хуей, спортымрэ физкультурэмрэ дахьэх ныбжьы­щIэхэри абыхэм я егъэджакIуэхэри хуабжьу зыщыгуфIыкIа утыкур хьэзырщ. Абы сабий нэхъыбэжи дяпэкIэ къызэрекIуэлIэнур ди фIэщ мэхъу.
ГуфIэгъуэ щытыкIэм иту щэбэт кIуам къызэIуаха спорт утыкущIэм нобэ сабийхэр изщ. Ахэр зэпоуэ ГТО-м къигъэув мардэхэр гъэзэщIэнымкIэ, топ щоджэгу, къыщажыхь.

ЖЫЛАСЭ Маритэ.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)