КъБР-м и Iэтащхьэ КIуэкIуэ Юрий ­хэтащ Урысей Федерацэм и законода­тельствэм халъхьа зэхъуэкIыныгъэ­- хэм ящыщу дызэрыт мазэм къару ­зы­гъуэтахэм япкъ иткIэ мылъку зэхэ­дзэкIэ ирагъэкIуэкI ухуэныгъэр зэ­-рызэблагъэкI правовой мардэхэм ­ятещIыхьауэ Урысей Федерацэм ­ухуэ­ныгъэмрэ псэупIэ-коммунальнэ хо­зяйст­вэмкIэ и министр Якушев В. В. иригъэкIуэкIа видеоконференцым.

Абы щыжаIащ зи мылъкур зэхэзылъхьа цIыхухэм я хуитыныгъэхэр хъумэнымкIэ, ухуэныгъэм и IэнатIэм гъэпцIагъэхэр къы­щымыгъэхъунымкIэ, Урысейм и Президент Путин Владимир псэупIэу яухуэр гъэ къэс тIукIэ нэхъыбэ щIыным теухуа­-уэ къигъэува къалэнхэр гъэзэщIэнымкIэ ­законодательствэм иужьрей зэманым халъхьа зэхъуэкIыныгъэхэр сэбэп зэрыхъунур.

ЗэIущIэм апхуэдэу хэтащ КъБР-м и Правительствэм и УнафэщIым и къуэ­дзэ - КъБР-м инфраструктурэмрэ бжыгъэ­-хэр зи лъабжьэ зыужьыныгъэмкIэ и министр Бэлэтокъуэ В. Хь., КъБР-м ухуэныгъэмрэ гъуэгу хозяйствэмкIэ и министр Къуныжь В. Хь., ХъумапIэ банк акционер зэгухьэныгъэ зэIухам и Къэбэрдей-Балъкъэр къудамэм и унафэщI Урысбий Хь. Хь., республикэм и ухуакIуэ компание нэхъ инхэм я лIыкIуэхэр.