Псей нэхъыщхьэм дежЩоджэнцIыкIу Алий и цIэр зэрихьэу Бахъсэн къалэм дэт ЩэнхабзэмкIэ унэм и утыкум деж дыгъуасэ ИлъэсыщIэ зэхыхьэ дахэ щекIуэкIащ. Псей нэхъыщхьэм зэхуишэсат цIыкIуи ини, псоми фIыуэ ялъагъу махуэшхуэм пежьэу. Абы хэтащ щIыпIэ администрацэм, еджапIэхэм я лэжьакIуэхэр, сабийхэр. Пшыхьым кърихьэлIахэм я гукъыдэжыр къаIэтырт утыкум ит Уае Дадэмрэ Уэс Гуащэмрэ. Ахэр я пашэу, зэIущIэ гуапэм хэтахэм псейр къафыхьащ, уэрэдхэр жаIащ. Сыт щыгъуи хуэдэу, концерт гъэщIэгъуэн ягъэхьэзырат къызэгъэпэщакIуэхэм. ЯпэщIыкIэ Уае Дадэмрэ сабийхэмрэ зэпеуащ къуажэхьхэр къэщIэнымкIэ, джэгукIэ зэмылIэужьыгъуэхэмкIэ, усэ къеджэнымкIэ. АдэкIэ нэгузыужь Iуэхум пащащ Бахъсэн къалэм и къэфакIуэ гупхэмрэ уэрэджыIакIуэхэмрэ.
Поделиться: ЧИТАТЬ ТАКЖЕ:
|