Казбек Коков «Единая Россия» партияны съездини ишине къатышханды

КъМР-ни Башчысы Казбек Коков Къабарты-Малкъарны делегациясыны башчысы болуп «Единая Россия» партияны ХХ съездини ишине къатышханды. Анда Россейни Президенти Владимир Владимирович Путинни сёлешиуюне уллу багъа бичгенди эмда аны бек магъаналыгъа санагъанды. Къырал башчы россейлилени жашау къолайлыкъларын игилендириу жаны бла къыйматлы мадарла этерге, 2026 жылны аягъына сабийли юйюрлени жарлы болургъа къоркъууларын азайтыргъа деп аллай борч салгъанды. Андан сора да, ол болдурулгъан жетишимлени сакъларгъа эмда керелей барыргъа кереклисин чертгенди, ол санда миллет проектлени тамамлау, инфраструктураны ишлеу эмда жангыртыу бла да.
Президентни сёлешиуюнде республикагъа артыкъда магъаналы социал жумушла да кёргюзтюлгендиле, ол санда ол школлагъа, артыкъда эл мектеплеге, тынгылы ремонт этиуню программаларын жууукъ беш жылгъа жарашдырыргъа кереклисин айтханды. Къабарты-Малкъарда КъМР-ни Башчысы Казбек Коковну буйругъу бла ол жаны бла ишле башланнгандыла: битеу школланы болумлары тинтилгенди, ремонт ишле кезиу-кезиу бардырыллыкъдыла.
Владимир Путин партия – ол кючлю ресурс болгъанын чертгенди, аны шарт ишлеге, инсанларыбызны сейирлерине, къыралыбызгъа къуллукъ этгени бютюн магъаналыды. Политика системаны тутхучлулугъун жалчытханы уа шёндюгю жамауатха бла къыралгъа деменгили борчланы толтурургъа бютюн кереклиди. Ол борчла уа бек алгъа халкъны санын сакълау, Россей Федерацияны регионларында адамларыбызны къолайлыкъларын, жашау ырахатлыкъларын игилендириу бла байламлыдыла.
«Единая Россия» ол бек алгъа социал жолну тутхан партияды. Анга сиз кёргюзтген, федерал эмда регион даражалада къабыл кёрген законопроектле, инсанларыбызны, волонтёр, экология, правону къоруулаучу эмда «Единая Россия» партия себеплик этген башха биригиулени башламчылыкълары шагъатлыкъ этедиле. «Единая Россия» кесини ишин не заманда халкъ бла байламлыкъда къураргъа кюрешгенди. Ол а не тюрлю партияны да бек магъаналы эмда мурдорлу кесегиди.
Аны себепли мен инсанла бла тюбешиуледе, алгъадан къуралгъан партия къол кётюрюуледе эмда былтыр декабрьде ётген социал онлайн-форумда айтылгъан оюмла, тилекле, сурамла сизни айырыула аллы программагъызгъа кирликлерине ийнанама. Анга мурдорлукъ этериклерине, бек башы уа сизни тюзюнлей къатышыуугъуз бла жашауда бардырыллыкъларына ишексизме»,-дегенди Россейни Президенти.
-Биринчи июльдан, кесигиз билгенликден, сабийлеге 8 жылдан башлап 16-жыллыкъларына дери да, ол санда толу болмагъан юйюрледен балачыкълагъа да, ахча тёленирикди. Жашауда аз тюрлю болмайды, алай гитче адамчыкъ барды, балачыкъ барды – биз алагъа болушургъа борчлубуз. Сабийден ауурлукълары болгъан эмда къыйын жашау болумгъа тюшген тишириулагъа да себеплик белгиленеди. Сегиз жыллары толмагъан сабийлеге къарагъан аналагъа да больничныйлери ючюн ахча тёленирикди,- деп белгилегенди Президент. –Сабийли эмда къолайсыз юйюрлеге себеплик этиуню бир къыйматлы системасын къураргъа керекди. Аллай борч Правительствогъа салыннганды. Бизни барыбызны да борчубуз а россейли юйюрлени, инсанларыбызны файдаларын кётюрюудю.
Владимир Путин жаш тёлюню иш бла жалчытыуну дайым ишлеген программасы да къолгъа алыннганын эсгертгенди.
-Саулукъ сакълау системаны технология жаны бла жангыртыу, аны кадрла бла кючлендириу, поликлиникаланы, больницаланы ишлерин тап къурау – бизни баш магъаналы ишибизди,- деп белгилегенди Президент.- Кесигиз билгенликден, быйыл саулукъ сакълауну биринчи болушлукъ берген бёлюмюн игилендириуню регион программасы бардырылып башланнганды. Аны, жарсыугъа, пандемия ючюн графигин бир кесек бир жанына этерге тюшгенди. Болсада ол ишни башлагъанбыз эмда андан ары бардырлыкъбыз. Анга битеу да 550 миллиард сом бёлюннгенди. Саулукъ сакълауну баш магъаналы борчу – аурууну хорлагъаны бла чекленип къалмай, адам тири жашау бардырырча халгъа къайтырча этиудю.
Бюгюнлюкде «Единая Россия» алчылыкъны тутады, битеу законла чыгъарыучу эмда келечиле власть органлада кёпчюлюгю да барды. Бек башы уа, аны эсгертирге сюеме, хар регионда, шахарда, посёлкада сизни бла бир ниетли болгъан, башхалагъа хайырларын кёргюзтген адамлагъа таяныргъа тийишлиди.

Поделиться:

ЧИТАТЬ ТАКЖЕ:

29.03.2024 - 09:05

БАХЧАЛАНЫ БУЗДАН КЪОРУУЛАРГЪА – 40 МИЛЛИОН СОМ

Быйыл эл мюлк жерлени буз уруудан къорууларча мадарлагъа Къабарты-Малкъарны бюджетинден 40 миллион сом бёлюнюрюкдю.

29.03.2024 - 09:04

КАРТОФДАН БАЙ ТИРЛИК КЪУУАНДЫРАДЫ

Шимал-Кавказстатны управлениясындан  билдиргенлерича, былтыр Къабарты-Малкъарны  мюлклерини барысында да картофдан  154,6 минг тонна  жыйылгъанды.  Ол былтырдан 1,8 процентге кёпдю.

29.03.2024 - 09:04

ТАНГ КЕСЕК КОНСЕРВА ЧЫГЪАРЫЛАДЫ

Къабарты-Малкъар тахта кёгетледен консервала жарашдырыу бла эки жылны ичинде алчы жерни алады. Ол санда былтыр, 363,8 миллион банка чыгъарылгъанды.

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.

28.03.2024 - 09:03

ГИТЧЕ ЭМДА ОРТА БИЗНЕСНИ МАГЪАНАСЫ УЛЛУДУ

Къайсы къыралда неда аны ичинде субъектде экономиканы айнытыугъа уллу къошумчулукъ этгенле гитче эмда орта бизнес бла кюрешгенледиле эмда энчи предпринимательледиле.