Сёлешиуню баш магъанасы – жер-жерледе прививка этиуню халы

Къабарты-Малкъар Республиканы Башчысы Казбек Коков тёрели «муниципал сагъатны» бардыргъанды. Тюбешиуге КъМР-ни Правительствосуну Председатели Мусукланы Алий, КъМР-ни Башчысыны Администрациясыны таматасы Мухамед Кодзоков, аны орунбасары Марат Хубиев, КъМР-ни саулукъ сакълау министри Рустам Калибатов, муниципал къуралыуланы администрацияларыны оноучулары къатышхандыла.
Баш магъаналы соруугъача, республикада вакцина салыугъа къаралгъанды. Марат Хубиевни айтыууна кёре, къысха кезиуню ичинде къыралда коронавирус бла аругъанланы саны 30 процентге кёбейгенди. Республикада дарман салдыргъанланы саны къыралдан эсе 2,5 кереге азыракъды, ол а аурууну теркирек жайылыууна къоркъуу чыгъарады. Ол белгилегенича, сентябрьге дери жамауатха вакцина этиуню битеуроссей кёрюмдюлеге жетдирирге керекди. Вице-премьер регионда дарман салдырырча битеу болумла къуралгъанын белгилегенди: «Поликлиникалада 50 артыкъ прививка пунктла ачылгъандыла, 35 мобильный бригада барды, ала организациялагъа эм эшикге чыгъаргъа онглары болмагъанлагъа келедиле. Республикада юч вакцина да барды».
КъМР-ни саулукъ сакълау министри Рустам Калибатов билдиргенича, коронавирус жукъгъан аурууну озууу тюрленнгенди, аллай болумну 80 процентинде индиялы штамм бла жугъуу эсленеди. Аурууну инкубациялы кезиую тюрленнгенди, ол къыйыныракъ озады, ишчи жыл санда болгъан адамла кёбюрек жугъадыла. Министрни айтыууна кёре, ёсюу ахыргъы ыйыкъда бютюн болгъанды, аны бла бирге кислород изленнген саусузла кёбейгендиле. Аланы ёпкелеринде заранлыкъ уллуду, вирус дарманлагъа тёзюмлю болгъанды эм къыйын багъылады.
Бу сорууну сюзюуню эсеплерине кёре, Казбек Коков былай дегенди: «Бюгюнлюкде госпитальлада саусузланы 90 проценти чакълы бири кислород бла турадыла, аллай хал шёндюге дери болмагъанды. Ундурукъла, дарманла, оборудование бла да жалчытырыкъбыз, къолайыбыз барды. Алай биз вирус кесин къалай жюрютюрюгюн билмейбиз. Жууап бирди – вакцина салдыртыу».
Къабарты-Малкъарны Башчысы жер-жерли администрацияланы таматаларына коронавирус жукъгъан аурууну болдурмазча, ол жайылмазча этерге эм иммунизация амалланы бардырыргъа чакъыргъандыла. «Бюгюн окъуна жерлеригизге къайтханлай эллени таматаларына асламлы жыйылыула болмазлыкъларын эсгертсегиз сюеме. Ангыларгъа тийишлиди: эпидемиялы болум чеклеу амалланы тешерге къойгъанда, биз аланы кетергенбиз. Алай бюгюн хал башхады. Аны ючюн биз алгъадан окъуна чеклениулени кийиребиз, уллу хатала болмазча», - деп эсеплегенди Башчы.
Алай бла «муниципал сагъатны» чеклеринде муниципал къуралыулада миллет проектлени кезиулю эсеплерине да эс бурулгъанды. Шимал-Кавказ федерал округну социал-экономика айнытыу соруула жаны бла геуюрге кюн  Пятигорскда бардырылгъан кенгешни эсеплерине кёре, Казбек Коков РФ-ни Правительствосу жарашдыра тургъан округну айныууну стратегиясыны мурдоруна салынырыкъ регионну аллында тургъан борчланы белгилегенди.

Поделиться:

ЧИТАТЬ ТАКЖЕ:

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.

28.03.2024 - 09:03

ГИТЧЕ ЭМДА ОРТА БИЗНЕСНИ МАГЪАНАСЫ УЛЛУДУ

Къайсы къыралда неда аны ичинде субъектде экономиканы айнытыугъа уллу къошумчулукъ этгенле гитче эмда орта бизнес бла кюрешгенледиле эмда энчи предпринимательледиле.

28.03.2024 - 09:03

ИНВЕСТИЦИЯЛАГЪА – ЭНЧИ ЭС

Жангы предприятияла къурарча, производствону кенгертирча, инвестицияла этмей, башхача айтханда ишге ахча салмай боллукъ тюйюлдю.

27.03.2024 - 14:04

КЪАБАРТЫ-МАЛКЪАР РЕСПУБЛИКАНЫ БАШЧЫСЫ К.В.КОКОВНУ РОССЕЙ ФЕДЕРАЦИЯНЫ МИЛЛЕТ ГВАРДИЯСЫНЫ АСКЕРЛЕРИНИ КЮНЮ БЛА АЛГЪЫШЛАУУ

Росгвардияны Къабарты-Малкъар Республикада Управлениясыны хурметли аскерчилери, ишчилери эмда ветеранлары! Сизни Россей Федерацияны Миллет гвардиясыны аскерлерини кюню бла алгъышлайма!

27.03.2024 - 09:07

САКЪАТ САБИЙЛЕ ОКЪУУСУЗ КЪАЛМАЗЧА

Къабарты-Малкъарны Жамауат палатасында республиканы билим бериу учреждениялада сакъат эм къыйын ауругъан сабийлени окъутуу не халда болгъаны тинтилгенди.