Россейлилени арасында солургъа бла саулукъларын кючлендирирге «Нальчик» федерал курортну сайлагъанла кёпден-кёп болуп барадыла. Жайгъа жер-жерли санаторийлеге бла солуу юйлеге путёвкаланы асламысы сатылып бошалгъанды. Ала уа Къабарты-Малкъарны ара шахарында жыйырма чакълы бардыла.
-Бюгюнлюкде жукъгъан аурууну жайылыуу тохтамагъаны ючюн кёп къыралла жабылыпдыла. Алай ол бизде солургъа сюйгенлени саныны ёсгенини жангыз сылтауу тюйюлдю. Арт кезиуде туристлени къоркъуусузлукъларын жалчытыудан башлап логистикагъа дери да, бек кёп иш этилгенди. Аэропортубузда регионла аралы рейсле ачылгъандыла, жолла ишленедиле, жангыртылынадыла,-дегенди КъМР-ни курортла эм туризм министри Мурат Шогенцуков.
Нальчикге таза хауасы бла солур, гара сууларын да ичер, ала бла кеслерине бакъдырыр ючюн келедиле. «Биз хар жумушну да тындырабыз. Багъыуну уа жаланда гара суула бла бардырабыз. Россей Федерацияда жаланда бизде чыгъадыла бир жерде азот, йодобром эмда сероводород суула»,-дегенди Водолечебницаны директору Владимир Каскулов.
Нальчикни санаторийлеринде солугъанлагъа кислород коктейльле да ичиредиле. Аллай ваннала да алдырадыла. Ала кёкюреги къысханнга, ёпкеплери ауругъаннга да игидиле.
Бир жолгъа Къабарты-Малкъарны ара шахарында 6 мингнге жууукъ адам солургъа боллукъду. Бюгюнлюкде сабий солуугъа да кэшбэк барды. Аны студентле да хайырланырча эте турадыла. Ол биринчи июльдан ишлеп башларыкъды. Нальчикден Чирик кёллеге, Чегем чучхурлагъа, Минги тауну тийресине, жылы суулагъа да жолоучулукъла къураладыла.
