Паспортхэр иратащ

Къэрал кIуэцI IуэхухэмкIэ министру КъБР-м щыIэ Павлов Василий школакIуэ ныбжьыщIэхэм паспортхэр яритащ.
Урысейм и махуэр щагъэлъапIэм ирагъэхьэлIэри, КъБР-м щыIэ МВД-м илъэс 14 ирикъуа ныбжьыщIэхэм щратащ паспортхэр. Абыхэм яхэтт еджэныгъэм щыпэрыт, спортымрэ гъуазджэмрэ ехъу­лIэныгъэхэр щызыIэрызыгъэхьахэр, ап­хуэдэуи къэрал кIуэцI IуэхухэмкIэ органхэм я лэжьакIуэхэм я сабийхэр. Iуэху гуа­пэм кърихьэлIащ ныбжьыщIэхэм я адэ-анэхэри.
ЗэIущIэм хэтащ ведомствэм Iэпхъуэшапхъуэ IуэхухэмкIэ и управленэм и уна­фэщI, полицэм и полковник Бахъуэ Аслъэн, ­КъБР-м щыIэ МВД-м дэлажьэ Жы­лагъуэ советым и тхьэмадэ Мэкъушэ Руслан, ­КъБР-м Къэрал кIуэцI IуэхухэмкIэ и органхэм я ветеранхэм я советым и президиумым хэт ­Пыхъ МуIэедрэ минис­терст­вэм дэлажьэ Жылагъуэ советым хэт ШкIэжь Ирэнэрэ.
Iуэху гуапэм щыщIидзэм, полицэм и генерал-майор Павлов Василий ныбжьыщIэхэм ехъуэхъуащ къэралым и дэфтэр нэхъыщхьэр яIэ зэрыхъуамкIэ, къыхигъэщащ Урысейм и цIыхуу ущы­тыныр зэрыщIыхьышхуэр.
- Мы махуэм щыщIидзащ фи гъащIэм и IыхьэщIэм. Иджы хуитыныгъэ фиIэнум къыдэкIуэу жэуаплыныгъи фхьынущ фи пщэ къыдэхуэ Iуэхухэм ятеухуауэ. Сы­ны­вохъуэхъу ди Хэкушхуэм хуэфащэ цIыхуу фыщытыну, ди къэралыр зыхуэдэнур зэлъытар фэращи,- къыхигъэщащ министрым.
НыбжьыщIэхэм псалъэ гуа­пэ­хэмкIэ зыхуагъэзащ Мэкъушэ Русланрэ Пыхъ МуIэедрэ.
Налшык къалэ дэт курыт еджапIэ ­№33-м щIэс Мэкъуауэ Мансур ныб­жьы­щIэхэм къабгъэдэкIыу фIыщIэ яхуищIащ Iуэхур къызэзыгъэпэщахэм. Абы нэ­хъыжь­хэр къигъэгугъащ фIыуэ еджэну, и Хэкум хуэщхьэпэу псэуну.
ЗэIущIэ гуапэм пащащ Къэбэрдей-­Балъкъэрым и уэрэджыIакIуэхэмрэ къэфакIуэхэмрэ зыхэта концерткIэ, IэфIыгъэкIэ гъэнщIа стIоли ныбжьыщIэхэм къы­хуаузэдат.

УЭРДОКЪУЭ Женя.

Поделиться:

ЧИТАТЬ ТАКЖЕ:

29.03.2024 - 17:28

ХАМЭ КЪЭРАЛХЭМ ЗЭРАДЭЛАЖЬЭМ ФЕЙДЭ КЪЫПОКIУЭ

Хамэ къэралхэм ящыщу Къэбэрдей-Балъкъэрым сату нэхъыбэу зыдищIыр СНГ-м хэтхэращ икIи иужьрей илъэситIым къриубыдэу республикэм зэригъэкIуэкIа продукцэм и куэдагъым процент 25-кIэ хигъэхъуащ, жиIащ

29.03.2024 - 17:23

ЗЫУЖЬЫНЫГЪЭМ И ЛЪАГЪУЭМ ИРОКIУЭ

КъБР-м и Iэтащхьэ КIуэкIуэ Казбек Ставрополь крайм и губернатор Владимиров Владимиррэ Къэрэшей-Шэрджэс Республикэм и УнафэщI Темрезов Рашидрэ щIыгъуу хэтащ Тырныауз къалэм дэт, сыт и лъэныкъуэкIи з

29.03.2024 - 08:57

ХЬЭЩIЭХЭМ ДЫКЪЫХАГЪАЩIЭ

Урысей Ипщэмрэ Кавказ Ищхъэрэмрэ регби 7-мкIэ пашэныгъэр къыщыхьыным теухуа зэхьэзэхуэ иджыблагъэ Налшык къалэм щекIуэкIащ.

29.03.2024 - 08:56

ГУАПЭУ ЯГУ КЪАГЪЭКIЫЖ

КъБР-м щIыхь зиIэ и журналист, Урысей Федерацэм, Къэбэрдей-Балъкъэрым щэнхабзэмкIэ щIыхь зиIэ я лэжьакIуэ, жылагъуэ лэжьакIуэ, «Советская молодёжь» газетым и редактор нэхъыщхьэу щыта Къардэн Мухьэм

29.03.2024 - 08:56

ХАДЭХЭКI ФIЭIУГЪЭХЭМКIЭ ДЫПАШЭЩ

Пхъэщхьэмыщхьэмрэ хадэхэкIымрэ къыхащIыкI консерву Кавказ Ищхъэрэм къыщыщIагъэкIым и процент 90-р Къэбэрдей-Балъкъэрым къылъос.