|
Кадетхэр ягъэгушхуэ
1 июня, 2021 - 06:52
Къэрал кIуэцI IуэхухэмкIэ министру КъБР-м щыIэ Павлов Василий кадетхэмрэ абыхэм я егъэджакIуэхэмрэ ехъуэхъуащ гъэ еджэгъуэр къызэраухамкIэ.
Сабийхэр хъумэным и дунейпсо махуэм ирихьэлIэу, КъБР-м щыIэ МВД-м щекIуэкIащ Iуэху гуапэ. Абы кърагъэблэгъащ Налшык къалэ дэт курыт еджапIэ №7-м полицэм и япэ кадет класс къыщызэрагъэпэщам щеджэхэмрэ абыхэм я егъэджакIуэхэмрэ.
Министерствэм ЩэнхабзэмкIэ и центрым иубзы-хуа Iуэхухэм япкъ иткIэ кадетхэр щыгъуазэ ящIащ Къэбэрдей-Балъкъэр Республикэм щыIэ МВД-м и IэнатIэхэм я лэжьыгъэм. Гъэ еджэгъуэм хиубыдэу кадетхэр щыIащ ведомствэм и IуэхущапIэ зэмылIэужьыгъуэхэм. ЕджакIуэхэм къагъэлъэгъуащ жэуаплыныгъэ зэрызыхащIэр, зэрыгъэсар, зэрыжыджэрхэр.
Къэрал кIуэцI IуэхухэмкIэ министру КъБР-м щыIэ, полицэм и генерал-майор Павлов Василий жиIащ и фIэщ зэрыхъур кадетхэр я ныбжьхэм сыт и лъэныкъуэкIи щапхъэ зэрахуэхъунур.
- МВД-м и лэжьыгъэр зытеухуэжар жылагъуэр мамырынырщ, фи адэ-анэхэм, Iыхьлыхэмрэ благъэхэмрэ я шынагъуэншагъэр къызэгъэпэщынырщ. Дэтхэнэ ди лэжьакIуэми хэлъхьэныгъэ хуещI щIэпхъаджагъэм пэщIэтыным, хабзэм ебакъуэ къэмыгъэхъуным. ИужькIэ фэ ныбжьыщIэхэрщ ахэр зи къалэн хъунур, фыпэлъэщынкIи дызыщыгугъыр, - къыхигъэщащ министрым.
Апхуэдэуи, ведомствэм и унафэщIым фIыщIэ яхуищIащ Налшык къалэ дэт МКОУ СОШ №7-м и унафэщIхэмрэ егъэджакIуэхэмрэ школакIуэхэр егъэджэным, абы полицэм и кадет классхэм я гъэсэнхэри хыхьэу, я гуащIэ, лэжьыгъэшхуэ зэрыхалъхьэм папщIэ.
Курыт еджапIэ №7-м и унафэщI Хъарзынэ Заур КъБР-м щыIэ МВД-м и унафэщIхэм фIыщIэ яхуищIащ сыт щыгъуи я нэIэ къызэрытетым, гулъытэ къызэрыхуащIым папщIэ.
Кадетхэм псалъэ гуапэкIэ зыхуагъэзащ КъБР-м щыIэ МВД-м дэлажьэ Жылагъуэ советым и тхьэмадэ Мэкъушэ Русланрэ Къэбэрдей-Балъкъэр республикэм къэрал кIуэцI IуэхухэмкIэ и IэнатIэхэм я ветеранхэм и Советым и президиумым хэт, тIысыжауэ зызыгъэпсэху милицэм и полковник Пыхъ МуIэедрэ. Абыхэм даIыгъащ кадет зэщIэхъхееныгъэм республикэм адэкIи зыщегъэубгъуныр икIи гъэ еджэгъуэр къэзыуха цIыкIухэм ехъуэхъуащ зыгъэпсэхугъуэр сэбэп пылъу ягъэкIуэну.
Махуэшхуэ зэхыхьэм и кIэухым министр Павлов Василий кадет классым щеджэхэр хэкупсэу гъэсэным хуащIа хэлъхьэныгъэм папщIэ КъБР-м щыIэ МВД-м и щIыхь тхылъхэр яритащ школым и унафэщI Хъарзынэ Заур, абы и къуэдзэ, МВД-м дэлажьэ Жылагъуэ советым и лIыкIуэ ЦIыпIынэ Заремэрэ класс унафэщI Къэблахъуэ Эльмирэ сымэ.
Еджэныгъэм, спортым, творческэ, жылагъуэ гъащIэм ехъулIэныгъэ щызыIэрызыгъэхьа кадет классым и гъэсэнхэм хуагъэфэщащ Къэбэрдей-Балъкъэр Республикэм щыIэ МВД-м и щIыхь тхылъхэр. Къэрал кIуэцI IуэхухэмкIэ министрым кадет псоми яритащ фэеплъ саугъэтхэр.
Къыхэдгъэщынщи, махуэшхуэ зэIущIэр щекIуэкIым къыхахащ кадет нэхъыфIыр. ЕгъэджакIуэхэр зэдэарэзыуэ ар хуагъэфэщащ еджэныгъэми спортми щыпашэ Энеев Амир.
|
20.04.2024 - 12:25 Къэрал куэдым мэлыжьыхьым и 19-р «Ажэгъуэмэм и махуэу» щагъэлъапIэ. Абы гулъытэ хэIэтыкIа хуэщIыпхъэу къалъытэу, япэ дыдэу, I984 гъэм, Iуэхур къыщрахьэжьар Инджылыз къэралыгъуэрщ. |
|
20.04.2024 - 09:03 Къэбэрдей-Балъкъэр Республикэм мы гъэм еханэу щекIуэкIынущ «ТекIуэныгъэм и диктанткIэ» зэджэ, гъэсэныгъэ мыхьэнэшхуэ зиIэ Iуэхугъуэ щхьэпэр. |
|
19.04.2024 - 09:01 Тамбукъан гуэл шыугъэм илъэс 700 тхыдэ къызэринэкIащ. Абы ит псыр ижыркъым, мыл ткIужхэмрэ уэшххэмкIэ ирикъуу аращ. Абыхэм къадэкIуэу ябрууауэ щыта жапIэхэмкIэ абы хохъуэ минеральнэ псы. |
|
19.04.2024 - 09:01 2024 гъэм и япэ мазищым къызэрагъэлъагъуамкIэ, хьэщIэщым къыщыувыIэну махуэу зыщрагъэтхамрэ абы щыщIэтIысхьа махуэмрэ я зэхуакум дэлъ пIалъэм и кIыхьагъымкIэ Къэбэрдей-Балъкъэрым къэралым и щIыналъ |
|
18.04.2024 - 12:25 2024 гъэм и япэ мазищым къриубыдэу Къэбэрдей-Балъкъэрым зыщызыплъыхьыну къэкIуа туристхэм я бжыгъэр мин 398-рэ хъуащ икIи ар процент 24,8-кIэ нэхъыбэщ къапщытэж лъэхъэнэм ирихьэлIэу нэгъабэ щыIа бж |
|