КъБР-м и Правительствэм и УнафэщI Мусуков Алий лэжьыгъэ IуэхукIэ щыIащ республикэм и спорт IуэхущIапIэ зыбжанэм

Къэбэрдей-Балъкъэр Республикэм и Правительствэм и УнафэщI Мусуков Алий дыгъуасэ щыIащ «Спартак» стадион» къэрал бюджет IуэхущIапIэмрэ «Къэбэрдей-Балъкъэр Республикэм и командэ къыхэхахэр спортым щы­хуагъасэ центр» къэрал кIэзонэ IуэхущIапIэмрэ. КъБР-м спортымкIэ и министр Хьэсанэ Ислъам щIыгъуу лэжьыгъэ IуэхукIэ щежьам Прави­тельствэм и УнафэщIым спорт IуэхущIапIэхэм зыщиплъыхьащ, абыхэм я щытыкIэр къипщытащ.
Къыхэгъэщыпхъэщ, КъБР-м «Къэ­бэрдей-Балъкъэр Республикэм физическэ щэнхабзэмрэ спортымрэ зыщегъэужьыныр» и къэрал программэм ипкъ иткIэ, республикэ бюджетым и хьэкъкIэ а ухуэныгъэхэм лэжьыгъэшхуэ зэрыщызэфIагъэкIар. Апхуэдэуи техникэ хэхахэр къащэхуащ, зыщагъасэ губгъуэхэр зыхуей хуэзэу, мардэм къизагъэу зэрахьэн папщIэ.
«Спартак» стадионым щыщыIам республикэм и Правительствэм и Унафэ­щIым щыгъуазэ зищIащ спортсменхэм зыщагъасэ губгъуэ зэрагъэпэщыжахэм я щытыкIэм, физкультурэ-узыншагъэр щрагъэфIакIуэ комплексыр зыхуей-зыхуэфIхэмкIэ къызэрызэрагъэпэщам. Комплексым хэтщ топ щыджэгу губ­гъуэхэр, къыщажыхь гъуэгу цIыкIухэр, тренажер зэмылIэужьыгъуэхэр. Спорт ухуэныгъэр ирагъэкIуэкIащ «Спортыр ди гъащIэм и мардэщ» къэрал проектымрэ «Демографие» лъэпкъ проектымрэ я мылъкукIэ.
Премьер-министрыр апхуэдэуи щы­Iащ «ЦСП СК КБР» къэрал кIэзонэ IуэхущIапIэм. Абыи щызэрагъэпэщыжащ, зыхуей щыхуагъэзащ футбол щыджэгу губгъуэ мыину тIу, теннис джэгупIэ кортыр, Налшык къалэм и Универсальнэ спорт комплексым и унэм щIагъэуващ боксым зэрызыхуагъасэ иджырей спорт-технологие Iэмэпсымэхэр. Ахэр иджырей мардэхэм йозагъэ. Художественнэ гимнастикэм хухэха пэшышхуэм кондиционерхэр щIагъэуващ, спорт­смен­­хэм абы гупсэхуу зыщагъэсэн пап­щIэ.
Къэбэрдей-Балъкъэр Республикэм и Правительствэм и УнафэщI Мусуков Алий иригъэкIуэкIа къэпщытэныгъэхэм яужькIэ зыхуэфащэ министерствэм пщэрылъ зыбжанэ хуищIащ и унафэм щIэт IуэхущIапIэхэм я материально-техникэ лъабжьэр адэкIи гъэбыдэным хуэунэтIауэ.

КъБР-м и Iэтащхьэмрэ Прави­тельствэмрэ я пресс-IуэхущIапIэ.

Поделиться:

ЧИТАТЬ ТАКЖЕ:

29.03.2024 - 08:57

ХЬЭЩIЭХЭМ ДЫКЪЫХАГЪАЩIЭ

Урысей Ипщэмрэ Кавказ Ищхъэрэмрэ регби 7-мкIэ пашэныгъэр къыщыхьыным теухуа зэхьэзэхуэ иджыблагъэ Налшык къалэм щекIуэкIащ.

29.03.2024 - 08:56

ГУАПЭУ ЯГУ КЪАГЪЭКIЫЖ

КъБР-м щIыхь зиIэ и журналист, Урысей Федерацэм, Къэбэрдей-Балъкъэрым щэнхабзэмкIэ щIыхь зиIэ я лэжьакIуэ, жылагъуэ лэжьакIуэ, «Советская молодёжь» газетым и редактор нэхъыщхьэу щыта Къардэн Мухьэм

29.03.2024 - 08:56

ХАДЭХЭКI ФIЭIУГЪЭХЭМКIЭ ДЫПАШЭЩ

Пхъэщхьэмыщхьэмрэ хадэхэкIымрэ къыхащIыкI консерву Кавказ Ищхъэрэм къыщыщIагъэкIым и процент 90-р Къэбэрдей-Балъкъэрым къылъос.

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.