Накъыгъэм и 18-м КъБКъУ-м щызэхэтащ «Адыгэхэр: блэкIар, нобэр, къэкIуэнур» фIэщыгъэм щIэт дунейпсо щIэ­ныгъэ-практикэ конференц. Адыгэхэм я щы­гъуэ-щIэж махуэм ирихьэлIэу Дунейпсо Адыгэ Хасэм къы­­зэ­ригъэпэща а Iуэху щхьэпэм хэтащ Къэрэшей-Шэрджэс, Адыгэ республикэхэм, Ставрополь, Краснодар щIыналъэхэм, Мэздэгу къикIа лIыкIуэхэр. Онлайн жыпхъэ­м иту Тыркум, Сирием, Иорданием, Европэм щыIэ ­Ады­гэ Хасэхэри къеблэгъащ.
ДАХ-м и тхьэмадэ Сэхъурокъуэ Хьэутий зэIущIэр къы­щы­зэ­Iуихым жиIащ блэкIар зыщыдмыгъэгъупщэу къэкIуэнум дытелажьэу дыпсэун зэрыхуейр, апхуэдэ гузэ­вэгъуэм ди щ­хьэ и мызакъуэу, адрей лъэпкъхэм и зыщахъумэну къы­хуедджэну.
Адыгэхэм ди блэкIам, нобэм, къэкIуэнум ятеухуауэ зэIущIэм псалъэмакъ щхьэпэ къыщаIэтащ тхыдэджхэу Къалмыкъ Жылэбий, Къэжэр Артур (Налшык), Бадынокъуэ Марзият (АР),филологие щIэныгъэхэм я кандидат Дзыбэ Айшэт (АР), Гуманитар къэхутэныгъэхэмкIэ Къэрэшей-Шэрджэс институтым и унафэщI Тхьэгъэпсэу Рэмэзан сымэ, нэгъуэщIхэми. Ахэр тепсэлъыхьащ лъэп­къыр зыгъэпIейтей, зыIущIэ лъэпощхьэпохэм Iуэхум и хэкIыпIэу къалъытэмкIи ядэгуэшащ къызэхуэсахэм.
«Адыгэхэр: блэкIар, нобэр, къэкIуэ­нур» дунейпсо конференцыр зэрекIуэкIам теухуа тхыгъэ ин ди газетым и къыкIэлъыкIуэ къыдэкIыгъуэхэм я зым фыкъыщеджэ хъунущ.