Ал жанында – диспансеризацияны барыуу, багъыу учрежденияланы бир-бирлерин жангыртыу

Россейни Президенти кесини Посланиясында берген буйрукъланы толтурууну чеклеринде КъМР-ни Башчысы Казбек Коковну Россейни саулукъ сакълау министри Михаил Мурашко бла ишчи тюбешиую болгъанды. Республикабызны оноучусу Къабарты-Малкъарда быйыл 140 минг абадан адам диспансеризациядан ётеригин, 187 минг сабийни саулугъу тинтиллигин билдиргенди. «Биринчи кварталда диспансеризациягъа бла профилактика халда бардырылгъан тинтиулеге 25 мингден аслам адам къатышханды. Диспансеризацияны къураугъа бек уллу эс буруллукъду»,- деп чертгенди Казбек Валерьевич.
Регионда биринчи медицина болушлукъ берген бёлюмню жангыртыу ишле башланнганларыны юсюнден айта, КъМР-ни Башчысы быйыл программагъа 16 объект къошулгъанын билдиргенди. Аушигерде врачы болгъан амбулаторияны сюеп башлагъандыла. Май районну ара больницасыны сабий поликлиникасына, 1-чи номерли шахар сабий поликлиниканы багъыу-профилактика бёлюмюне, 2-чи номерли шахар поликлиникагъа, аны Хмельницкий орамда филиалына, Малкада амбулаториягъа, Терк районда поликлиникагъа бла Атажукинода амбулаториягъа тынгылы ремонт этилликди.
Аладан сора да, 1-чи номерли шахар поликлиниканы Вольный Ауулда бёлюмюнде, 3-чю номерли шахар поликлиникада, Зольск, Чегем, Черек районланы ара больницаларыны поликлиникаларында жангыртыу ишле 2022 жылда бошаллыкъдыла. Кёп профильли районла аралы больницаны багъыучу мекямыны онг жанында къошагъыны ремонтун а 2023 жылда тамамларгъа белгиленеди. Дагъыда быйыл 1-чи номерли шахар сабий поликлиниканы эмда Бахсан районну ара больницасыны 2-чи номерли поликлиника бёлюмюн жангыртып быйыл башларыкъдыла.
Тюбешиуню кезиуюнде онкология диспансерни мекямыны къурулушун ахырына жетдириуню, Республикалы сабий клиника больницагъа тынгылы ремонт этиуню юсюнден да сёлешиннгенди. Ол проектлени тийишли федерал министерство къабыл кёргенди.
КъМР-ни Башчысы Казбек Коков Россейни Саулукъ сакълау министерствосу пандемияны бек къыйын кезиуюнде Къабарты-Малкъаргъа тутхучлулукъ этгени ючюн Михаил Мурашкогъа жюрек ыразылыгъын билдиргенди. Къоркъуулу жукъгъан аурууладан ауругъанлагъа бакъгъан госпитальлагъа деп жангы диагностика эмда реанимация керекле алыннгандыла, ол санда КТ, УЗИ, ИВЛ-аппаратла да.
Регионнга энчи автотранспортдан 60-дан асламы берилгенди, медицина махкемелеге федерал араланы специалистлерини къатышыулары бла методика эмда ишни къурау жаны бла да болушлукъ этилгенди, саусузла дарманла бла жалчытылыннгандыла. Регионну специалистлерине методика эмда консультация болушлукъну къурау жаны бла ишни андан ары бардырыргъа белгиленеди.

КъМР-ни Башчысыны бла Правительствосуну пресс-службасы.

Поделиться:

ЧИТАТЬ ТАКЖЕ:

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.

28.03.2024 - 09:03

ГИТЧЕ ЭМДА ОРТА БИЗНЕСНИ МАГЪАНАСЫ УЛЛУДУ

Къайсы къыралда неда аны ичинде субъектде экономиканы айнытыугъа уллу къошумчулукъ этгенле гитче эмда орта бизнес бла кюрешгенледиле эмда энчи предпринимательледиле.

28.03.2024 - 09:03

ИНВЕСТИЦИЯЛАГЪА – ЭНЧИ ЭС

Жангы предприятияла къурарча, производствону кенгертирча, инвестицияла этмей, башхача айтханда ишге ахча салмай боллукъ тюйюлдю.

27.03.2024 - 14:04

КЪАБАРТЫ-МАЛКЪАР РЕСПУБЛИКАНЫ БАШЧЫСЫ К.В.КОКОВНУ РОССЕЙ ФЕДЕРАЦИЯНЫ МИЛЛЕТ ГВАРДИЯСЫНЫ АСКЕРЛЕРИНИ КЮНЮ БЛА АЛГЪЫШЛАУУ

Росгвардияны Къабарты-Малкъар Республикада Управлениясыны хурметли аскерчилери, ишчилери эмда ветеранлары! Сизни Россей Федерацияны Миллет гвардиясыны аскерлерини кюню бла алгъышлайма!

27.03.2024 - 09:07

САКЪАТ САБИЙЛЕ ОКЪУУСУЗ КЪАЛМАЗЧА

Къабарты-Малкъарны Жамауат палатасында республиканы билим бериу учреждениялада сакъат эм къыйын ауругъан сабийлени окъутуу не халда болгъаны тинтилгенди.