Налшык къалэмкIэ ведомствэм хэмыт хъумакIуэ управленэм Росгвардием и ветеранхэм я махуэм ехьэ­лIа зэIущIэ гуапэ щекIуэ­кIащ.
КъБР-м щыIэ Урысей Федерацэм и лъэпкъ гвардием и ветеранхэм я советым и унафэщI, полицэм и полковникыу къыхэкIыжа Хужьо­къуэ Русланрэ Афган зауэм и ветеран, полицэм и прапорщик нэхъыжь Соблыр Хьэ­сэнбийрэ ведомствэм и лэ­жьа­кIуэхэм яхуэзащ, рос­гвардейцхэм ехъулIэныгъэ лъагэхэр зыIэрагъэхьэну, я къулыкъу къалэнхэр хьэлэлу ирахьэкIыну зэрагуапэр жраIащ.
- Нобэ ди ведомствэм и ветеранхэм ирагъэкIуэкI лэ­жьы­гъэр ипэжыпIэкIэ уасэ зимыIэщ. Загъэпсэхуну тIы­сыжами, абыхэм пащэ хуитыныгъэмрэ хабзэмрэ хъу­мэным, лэжьакIуэщIэхэмрэ дзэ къулыкъур езыхьэкI­хэмрэ бгъэдалъхьэ зы еджапIэ нэхъыщхьэми щамы­гъуэтыну щIэныгъэ, - жиIащ Налшык къалэмкIэ ведомствэм щIэмыт хъумакIуэ IэнатIэм и унафэщIым и къалэнхэр пIалъэкIэ зыгъэзащIэ Узденов Алий.
ЗэIущIэм и кIэухым рос­гвардейцхэм ведомствэм и ветеранхэм фIыщIэ хуа­щIащ, фэеплъ саугъэтхэр иратащ.