«Илъэсым и студент» Соповэ Алинэ

ГъуазджэхэмкIэ Кавказ Ищхъэрэ институтым иджыблагъэ ще­кIуэ­кIащ еджакIуэ нэхъыфIхэр къыщагъэнаIуэ «Илъэсым и студент» зэпеуэр.
Илъэс етхуанэ хъуауэ къызэрагъэпэщ а Iуэху дахэм мы гъэми щIэщыгъуагъ куэд халъхьащ къызэгъэпэщакIуэхэм. Зэпеуэм хэтхэм еджэным хуаIэ зэфIэкIыр, щIэныгъэ-творческэ ехъулIэныгъэхэр, жыджэру студент гъащIэм зэрыхэтырщ къалъытэр. 2 - 5-нэ курсхэм щеджэ студентхэм ящыщу зэпеуэм и Iыхьэхэм нэхъыфIу зыкъыщызыгъэлъэгъуа хъыджэбзитху финалым кIуащ.
ЯпэщIыкIэ студентхэм зыкъагъэ-лъэгъуащ, я зэфIэкIхэр, ехъулIэныгъэхэр утыку кърахьащ. Апхуэдэу, хъыджэбзхэм я зым литературэ зыплъыхьакIуэхэм я программэ зэхигъэуващ, адрейм музыкэ школым и къудамэ псоми щеджауэ музыкэ Iэмэпсымэ зэмылIэужьыгъуэхэм макъамэ гугъухэр кърегъэкIыф. Ещанэр «Кинотавр»-м и кинофестивалхэм димыгъэхуу щыIат. ЕплIанэ пщащэр псапащIэ Iуэхухэм жыджэру хэтти ди къэралым и Президентым и #МыВместе# медалыр къыхуагъэфэщат. Етхуанэ пщащэ цIыкIум «Кавказым и пащтыхь гуащэ» зэпеуэм «ЗэфIэ­кIыбэ» цIэр къыщыфIащат.
ЕтIуанэ Iыхьэм хъыджэбзхэм я акъыл и жанагъ, гупсысэм и кууагъ щагъэунэхуащ.
Я уэрэд, къафэ дахэхэмкIэ зэпеуэм кърихьэлIахэм я гукъыдэжыр къаIэтащ Рамзи Ванессэ, гъэ кIуахэм а зэпеуэм къыщыхэжаныкIахэу Шыкуэ Аскэррэ Хьэщхъуэжь Ислъамрэ.
КъэпщытакIуэ гупыр гупсэхуу хэплъа иужькIэ, япэ увыпIэр Соповэ Алинэ хуагъэфэщащ. ЕтIуанэ хъуар Пкин Сабринэщ, ещанэ увыпIэр Рамзи Ванессэ къихьащ.
ГъэщIэгъуэнракъэ, гъэ кIуам Алинэ мы зэпеуэм и финалым нэсауэ, «Творческэ номер нэхъыфI» Iыхьэм щытекIуат, мы гъэм нэхъ егугъужу зызыгъэхьэзыра хъыджэбзыр псоми ефIэкIащ.
«Илъэсым и студент» зэпеуэм къыщыхэжаныкIахэм дохъуэхъу, я ехъулIэныгъэ, насып нэхъыбэ хъуну, ефIэкIуэну ди гуапэщ.

Тэрчокъуэ Дисэ.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)