|
Гъуэгуанэ купщIафIэ къэзыкIуа
13 апреля, 2021 - 06:43
Республикэм и мэкъумэш IэнатIэм зиужьыным, ар ефIэкIуэным хэлъхьэныгъэшхуэ хуищIащ Атэлыкъ Анатолэ Тэзрэт и къуэм. Апхуэдэу мэкъумэш техникэр республикэм лизингкIэ къратыныр зэтегъэувэным зи гуащIэ хэзылъхьахэм ящыщщ ар. А Iуэхум и фIыгъэкIэ мэкъумэшыщIэхэм трактор, комбайн, нэгъуэщI Iэмэпсымэ зэмылIэужьыгъуэ куэд зыIэрагъэхьэну Iэмал ягъуэтащ. Къыщалъхуа щIыналъэм зэрыхузэфIэкIкIэ щхьэпэ хуэхъуа Анатолэ и ныбжьыр нобэ илъэс 70 ирокъу. Абы къикIуащ пщIэрэ щIыхькIэ гъэнщIа гъуэгуанэ купщIа-фIэ.
Атэлыкъыр 1951 гъэм мэлыжьыхьым и 13-м Налшык къыщалъхуащ. Къалэм дэт курыт школ №3-р ехъулIэныгъэфIхэр иIэу къиухри, 1969 гъэм дзэм къулыкъу щищIэну ираджащ. Зыхэхуа тенджыз лъэсырыкIуэдзэм и 810-нэ полк щхьэхуэм хэту абы и къалэныр щрихьэкIыну къыхуихуащ Сириеми, Ливиеми, Ливанми. Адыгэ щIалэр зыхэтым фIыкIэ къахэщу, щапхъэ яхуэхъуу армэ илъэсхэр кърихьэлIащ.
Дзэ къулыкъу нэужьым Анатолэ щIэтIысхьащ Къэ-бэрдей-Балъкъэр къэрал университетым математикэмкIэ и къудамэм. Инджылызыбзэмрэ есэпымрэ фIыуэ зыщIэ, къэрал хабзэхэм хъарзынэу хэзыщIыкI щIалэм, иджыри ещанэ курсым щеджэу, Къэбэрдей-Балъкъэр «Мэ-къумэштехникэ» IуэхущIапIэм и информационно-вычислительнэ центрым лэжьэн щыщIидзащ. IуэхущIапIэр зыхуэныкъуэ программист лъэрыхьу къахущIэкIащ Атэлыкъыр икIи щытхъу иIэу илъэс зыбжанэкIэ а IэнатIэм пэрытащ. ИужькIэ ар ягъэкIуащ «Мэкъумэштехникэм» и къэрал комитетым и управленэм. Абы зэрыщыIа зэманым къриубыдэу Анатолэ хузэфIэкIащ къапщIэу IэнатIэр иригъэфIэкIуэн, Iуэхум бгъэдыхьэкIэщIэхэр хилъхьащ, абы и Iэмалхэм я фIыгъэкIэ зэфIагъэкI лэжьыгъэхэм хэхъуащ.
Хэлъэт зиIэ, зи пщэрылъыр нэгъэсауэ зэфIэзых, сыт хуэдэ Iуэхуми жэуаплыныгъэ пылъу бгъэдыхьэ Атэлыкъым и зэфIэкIхэр къалъытэри, КъБР-м и Министрхэм я Советым мэкъумэш IэнатIэмкIэ и управленэм и унафэщIу ягъэуващ. ЕхъулIэныгъэфIхэр иIэу а къулыкъум илъэс бжыгъэкIэ пэрытауэ, 1986 гъэм «Агропром»-м ягъэкIуащ икIи абы илъэсищым щIигъукIэ щылэжьащ. 1989 - 1991 гъэхэм Анатолэ жылэ зэгъэкIуэкIынымкIэ «Нарт» совет-венгр зэгухьэныгъэм и коммерческэ унафэщIу лэжьащ.
90 гъэхэм, къэралым зэхъуэкIыныгъэшхуэхэр щыщекIуэкIа зэманым, Атэлыкъ Анатолэ Москва уней IуэхущIапIэ къыщызэригъэпэщри, мэкъумэш продукцэр щэным теухуауэ хамэ къэралхэм ядэлэжьащ. ПIалъэ гуэркIэ абы щыIауэ щалъхуа щIыналъэм къигъэзэжри, Къэбэрдей-Балъкъэрым Бдзэжьей гъэхъунымкIэ и IуэхущIапIэм и унафэщIым и къуэдзэу лэжьащ. 2005 - 2010 гъэхэм КъБР-м и «Мэкъумэштехникэ» IуэхущIапIэм и унафэщIым и къуэдзэуи щытащ.
Нобэ Атэлыкъ Анатолэ жылагъуэм пщIэ щызиIэ, жьыщхьэ махуэ хъуа нэхъыжьыфIщ, къуэрылъху-пхъурылъхухэм фIыуэ къалъагъу адэшхуэ гумащIэщ. Узыншагъэ быдэ иIэу, гукъыдэжрэ дэрэжэгъуэрэ щымыщIэу, и щIэблэм я гуфIэгъуэ илъагъуу иджыри илъэс куэд къыхузэпищэну Тхьэм жиIэ!
|
28.03.2024 - 09:03 ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ. |
|
28.03.2024 - 09:03 Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм. |
|
27.03.2024 - 13:58 Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I |
|
27.03.2024 - 12:25 Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх |
|
27.03.2024 - 09:03 (ГъащIэ теплъэгъуэ) |
|