Жылагъуэр зыгъэгузавэхэр

УФ-м и Федеральнэ Зэхуэсым и Къэрал Думэм и депутат Марьяш Иринэ республикэм щыпсэухэм дыгъуасэ щаIущIащ «Урысей зэкъуэт» политикэ партым и Къэбэрдей-Балъкъэр щIы­налъэ къудамэм и IуэхущIапIэм. Ар едэIуащ къыхуэкIуа цIыхуиблым я гу­ныкъуэгъуэхэм.

Iуащхьэмахуэ районым хыхьэ Гундэлэн къуажэм къикIа Атмурзаев Са­-      пар депутатым зыхуигъэзащ ятIэпсым икъута и унэр зэрызэригъэпэщыжын ахъшэ къратыжынымкIэ дэIэпыкъуэгъу къыхуэхъуну. Абы зэрыжиIамкIэ, и Iуэхур 2004 гъэ лъандэрэ зэхэкIыркъым, судри мызэ-мытIэу хэплъа пэтми. Марьяш Иринэ  дэфтэрхэм  зыщигъэгъуэза  нэужь, жиIащ Iуащхьэмахуэ районым и суд Iуэ­хущIапIэм 2004 гъэм накъыгъэм и 18-м ищIа унафэм ипкъ иткIэ Атмурзаевым сом мин 25-рэ къратын хуейуэ зэрыщы-тар. ЦIыхухъум жиIащ ар къызэ­ры­Iэрыхьар, ауэ илъэс къэс къащIэуэ ятIэп­сым хэщIыныгъэшхуэ къазэрыритыр, уеблэмэ унэм ущыпсэуж мыхъуну комис­сэм къызэрилъытар. Ар депутатым елъэ­Iуащ унэ къращэхуну сертификат зрат-хэм хагъэхуэнымкIэ щIэгъэкъуэн къы­хуэхъуну. Депутатым жиIащ щIыуэпс ­къэхъукъащIэм и зэранкIэ зи унэ зы­фIэ­кIуэдахэм мы зэманым хуащIэфым хэплъэу, Iуэхум хэкIыпIэу къыхуагъуэты­фы­нум егупсысын зэрыхуейр.
Налшык къалэ округым и щIыпIэ са­моуправленэм и Советым и депутат Тхьэгъэпсо Татьянэ цIыху гупым къабгъэдэкIыу Марьяш Иринэ зыхуигъэзэну къекIуэлIат. Абыхэм я лъэIур зытеухуар Калининым и цIэр зезыхьэ уэрамым тет «Дружба» кино­театрым и унэжьыр ирахыу, сабийхэм зыщрагъэужь IуэхущIапIэ къызэIуахы­нырт. ЦIыхубзым зэрыжиIамкIэ, абдеж курыт еджапIэ №11-мрэ сабий гъэсапIэ ­ №59-рэ щытщ, къапщтэмэ, «Александровка» хьэблэм щеджэ ныбжьыщIэ мини 2-м нэблагъэм щIэныгъэ  гуэдзэн щызрагъэгъуэтын нэгъуэщI IуэхущIапIэ гъунэгъуу щыIэкъым. Депутатым жиIащ къаIэта Iуэхур зэрымытыншыр, КъБР-м цIыхухэр егъэджэнымкIэ, щIэныгъэмрэ щIалэгъуалэм я IуэхухэмкIэ и министерствэмрэ Налшык къалэм и щIыпIэ администрацэмрэ хэту абы егупсысын зэрыхуейр. Марьяш Иринэ зыщигъэ­гъуэзащ егъэджакIуэхэмрэ еджапIэр зэщIэзыкъуэ­хэмрэ я улахуэр зыхуэдэм, я лэжьэ­кIэм, нэгъуэщIхэми.
Налшыкдэс Швырковэ Эллэ депутатым зыщыхуигъазэм жиIащ Нартан уэра­-мым, Калининым и цIэр зезыхьэр щызэпиупщIым хуэзэу, гъуэгу зэпрыкIыпIэ хуэ­щIын хуейуэ къызэрилъытэр, сыт щхьэкIэ жыпIэмэ абдеж къыщызэIуаха тыкуэ­нышхуэм екIуалIэр куэд мэхъу икIи абыхэм я шынагъуэншагъэр къызэгъэпэ­щакъым. «Зи гугъу сщIы гъуэгу Iыхьэм деж машинэхэм хуэм защIын щхьэкIэ ­зыгуэр ягъэтIылъащ, ауэ ар цIыхухэм зэп­рыкIыпIэ къащохъури, гъуэгум тохьэ. Мы Iуэхум  дытогузэвыхь курыт еджапIэ                    №№30, 11-хэр зэрыгъунэгъум, абдеж сабийхэр зэрыщыкуэдым къыхэкIыу», - жиIащ цIыхубзым. Депутатым ар къигъэгугъащ ГИБДД-м и Къэбэрдей-Балъкъэр къудамэр и дэIэпыкъуэгъуу а Iуэхум хузэфIэкI хилъхьэну. Марьяш Иринэ ­ды­щIигъуащ «зебра»-м къищынэмыщIа, а щIыпIэм светофори щыгъэувыныр зэ­ры­фIэ­тэмэмыр.
Налшык къалэм и Пионер уэрамым къыщыщIэдзауэ Интернациональнэм ­ нэс къызэщIиубыдэу Мэлбахъуэм ири-кIуэ лъэс лъагъуэр зэгъэпэщыжыным теу­хуат Лыджыдэ Борис и лъэIур. Накуэ ­Мадинэт жиIащ курыт еджапIэ № 11-м и гупэм машинэ гъэувыпIэ зэримыIэм адэ-анэхэр зэригъэгузавэр, апхуэдэуи Бес­лъэней уэрамым и лъэс лъагъуэр зэгъэпэщыжын зэрыхуейр.
ЗэIущIэ нэужьым Марьяш Иринэ журналистхэм щепсалъэм къыхигъэщащ, цIыхухэр я щхьэ Iуэху мыхъуу, нэхъыбэу жылагъуэр зыпэщIэт гугъуехьхэм иригузавэу зыкъызэрыхуагъазэм мыхьэнэшхуэ иIэу къызэрилъытэр.
- Си гуапэщ цIыхухэр гуп-гупу зы Iуэхум зэрелэжьыр, я дзыхь къыдагъэзу, я гу­ныкъуэгъуэ къыдахьэлIэу къызэрыкIуэр. Дэ сыт щыгъуи дыхьэзырщ тхузэфIэ­кIымкIэ дэтхэнэми зыщIэдгъэкъуэну, - жиIащ депутатым.
Марьяш Иринэ дыщIигъуащ республикэм и районхэм я Iуэху зытетым зыщигъэгъуэзэну, цIыхухэм яIущIэну щIэх-щIэхыурэ зэрыкIуэр. Абы зэрыжиIамкIэ, депутатым мы зэманым гулъытэ хэха ­хуещI цIыхухэр транспорт зэрагъуэтым, къуажэ нэхъ пхыдзахэм аптекэ, пощт зэрыщылажьэм, курыт еджапIэхэм дзэ дохутыр яIэным, нэгъуэщIхэми.
 

БАГЪЭТЫР Луизэ.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)