Тюнене Къарачай-Черкесде туризм комплекс тау лыжалада учууну кезиуюне къалай хазырланнганына аталып кенгеш болгъанды. Аны ишине Россейни Президентини Шимал-Кавказ федерал округда толу эркинликли келечиси Александр Матовников, Россей Федерацияны Граждан къорууланыуну ишлери, къыйын болумла эмда табийгъат къыйынлыкъланы хаталарын кетериу жаны бла министри Евгений Зиничев, Къарачай-Черкесни Башчысы Темрезланы Рашит, Къабарты-Малкъарны Башчысыны къуллугъун болжаллы халда толтургъан Казбек Коков, КъМР-ни Правительствосуну Председателини биринчи орунбасары Мурат Керефов къатышхандыла.
Кенгешде регион курортлада инженер,транспорт эмда тау-лыжа инфраструктураны айнытыугъа, туризм-рекреация комплексни объектлеринде ол тийреледе жашагъанланы бла солугъанланы къоркъуусузлукъларын жалчытыугъа энчи эс бурулгъанды.
Ол кюн окъуна кенгешге къатышханла Архызда МЧС-ни жангы базасын кёре баргъандыла.