Чегемде  «Шахарда болумну игилендириу» деген къырал программаны чеклеринде 7 минг квадрат метр  жерде Хорламны скверин эм кёп фатарлы сегиз юйню арбазларын жангыртадыла. Бар ишлеге да 18 миллион сом къоратыллыкъды, деп билдиредиле муниципалитетни администрациясыны пресс-службасындан .
Бюгюнлюкде план бла этиллик  ишлени жетмиш проценти тамамланнганды. Ол санда жангы бордюрла салгъандыла, чыпынлары бла чыракъла  орнатхандыла. Бусагъатда уа асфальт жаядыла эм тротуар плитка  саладыла.  Ахырында тёгерек-башны жашиллендирликдиле, шинтикле, кир-кипчик жыярча урнала да  орнатырыкъдыла. Бар жумушланы да подряд организация  биринчи ноябрьге бошаргъа айтады.