Мы хъуэхъур зыхуэгъэзар Къэбэрдей-Балъкъэр къэрал мэкъумэш академием и студенткэ пажэхэм хабжэ, гъэсэныгъэ дахэ зыхэлъ адыгэ пщащэ Щоджэн Ланэ Артур и ­пхъурщ. Абы и ныбжьыр илъэс 20 ирокъу мы махуэхэм.
ДЫХУЕЙЩ а хъыджэбз губзыгъэм, хьэл-щэн дахэ зыхэлъым и махуэшхуэмкIэ дехъуэхъуу, мыпхуэдэ псалъэхэмкIэ зыхуэдгъэзэну:
«Ланэ, ди хъыджэбз гъэфIэн! Уи гумащIагъэм, пхэлъ хэлъэтымрэ гулъы­тэмрэ я щыхьэтщ уи анэшхуэм, адрей нэхъыжьхэм, узыхэт псоми уазэрыхущытыр. Уи псэ къабзагъэм хуэфэщэн насып дахэ Алыхьым къыпхуигъэфащэ! АтIэми, «насып» псалъэм псори къызэщIеубыдэ - абы хохьэ узыншэу гъащIэ кIыхь цIыхум къигъэщIэнри, гуфIэгъуэри, унагъуэ дахэри, Iыхьлы-благъэхэм я зэIузэпэщыгъэри. Дыхуейщ а псори уи Iэпэгъуу дунейм утетыну.
Дропагэ уи дуней тетыкIэм, бдэтлъагъу хабзэм, нэмысым. Гуапагъэу цIыхум уазэрыдэгуашэр хуэдэ минкIэрэ бэгъуауэ къыпхэхъуэжу, уи ехъулIэныгъэхэм уи нэхъыжьхэр иригушхуэу, щIэблэм уращапхъэу, мы дуней дахэм гу щыпхуэу Тхьэм уигъэпсэу!»