Къабарты-Малкъарны хурметли жамауаты! Битеу жюрегимден сизни Адыгланы (черкеслилени) кюню бла алгъышлайма!
Бу байрам республиканы жашауунда жамауат магъаналыгъа саналады.  Ол адыг халкъны узакъ ёмюрлю жолун белгилейди, аны энчилигин сакълау, миллетни  маданият айныуу, Къабарты-Малкъар тарых журтлары  болгъан халкъла бла келишиулюклени кючлеу бла байламлыды.  Бу магъаналы вопрослагъа биз не заманда да эс бургъанлай келебиз.  
Келлик кюнде да адыгланы тиллерин, маданиятларын, адетлерин айнытыугъа жораланнган ахшы башламчылыкълагъа эм проектлеге билеклик этгенлей турлукъбуз. Ол муратлагъа жетиуню ышаннгылы мурдорун а къыралда  жашагъан  халкъланы  этнокультура ёсюулерине къайгъыргъан Россей къурайды.
Адыгланы (черкеслилени) кюнлерин белгилеу  адыг этносну биригиуюне, ахшы къоншулукъ тёрелени кючлеуге, бир бирни ангылауну эм хурметлеуню ёсдюрюуге себеп боллугъуна ийнанама.
Адыг халкъгъа, республикада жашагъанланы барысына да мамырлыкъ, насып, саулукъ-эсенлик тилейме.