|
|
«Фи гулъытэмрэ зэхэщIыкIымрэ сэбэп къытхуохъу»
12 марта, 2020 - 07:05
Къэрал кIуэцI IуэхухэмкIэ министру КъБР-м щыIэ полицэм и генерал-майор Павлов Василий IэнатIэм и цIыхубз ветеранхэмрэ лэжьакIуэхэмрэ ехъуэхъуащ гъатхэпэм и 8-м ягъэлъапIэ ЦIыхубзхэм я дунейпсо махуэмкIэ.
КъБР-м щыIэ МВД-м щекIуэкIащ ЦIыхубзхэм я дунейпсо махуэм теухуа махуэшхуэ концерт. Абы кърагъэблэгъат республикэ МВД-м и IэнатIэхэм я лэжьакIуэ цIыхубз 200-м нэблагъэ.
Iуэху гуапэр къыщIадзащ Урысей Федерацэм Къэрал кIуэцI IуэхухэмкIэ и министр полицэм и генерал Колокольцев Владимир къыбгъэдэкI хъуэхъу телеграммэм къеджэу.
ЦIыхубзхэм махуэшхуэ псалъэ дахэкIэ захуигъэзащ къэрал кIуэцI IуэхухэмкIэ министру КъБР-м щыIэ полицэм и генерал-майор Павлов Василий.
- Фи бэшэчагъым, гулъытэмрэ зэхэщIыкIымрэ сэ-бэп къытхуохъу ди къалэным и гугъуехь куэдыр ехъулIэныгъэ диIэу къызэднэкIынымкIэ. ФIыщIэ фхузощI фи гуапагъэм, акъылыфIагъэм, махуэ къэс ефхьэкI лэжьыгъэм, ди гухэхъуэныгъэмрэ дэрэжэгъуэмрэ я хэкIыпIэу фызэрыщытым папщIэ,- жиIащ абы.
Къэрал кIуэцI IуэхухэмкIэ министерствэм и лэжьакIуэхэм къабгъэдэкIыу къызэхуэсахэм ехъуэхъуащ Урысей МВД-м Шэджэм районымкIэ и къудамэм и Плъыр частым и оперативнэ плъырым и дэIэпыкъуэгъу полицэм и прапорщик Къардэн Барэсбий. Илъэс 30 хъуауэ ар хабзэхъумэ IэнатIэм пэрытщ.
Къызэхуэсахэм я нэгу зрагъэужьащ КъБР-м и цIыхубэ артист Текуев Амур, КъБР-м щIыхь зиIэ и артисткэ Ракитинэ Иринэ, республикэм и Макъамэ театрым и уэрэджыIакIуэ Жабо Замирэ, «Бзэрабзэ» гупым и солист ДыщэкI Артур сымэ. Апхуэдэуи махуэшхуэ зэхыхьэм кърихьэлIахэм я гукъыдэжыр къаIэтащ къафэмкIэ «Насып» цIыхубэ ансамблымрэ Бэрбэч Хь.М. и цIэр зезыхьэ Къэбэрдей-Балъкъэр университетым и «Каллисто» къэфакIуэ гупымрэ.
 |
|
15.04.2026 - 09:03 КъБКъУ-м Жылагъуэ жэрдэмхэмкIэ и пэшым иджыблагъэ щекIуэкIащ «Хабзэ хъуа псэкупсэ-щэнгъасэ лъапIэныгъэхэр: сыт дызэкъуэзыгъэувэр?» зэпсэлъэныгъэр. |
 |
|
15.04.2026 - 09:03 Театрым, кином, щэнхабзэм зэрыщыту хухэха махуэхэм журналистхэр ди гуапэу датотхыхь а IэнатIэм пэрытхэм, цIыху гъащIэр, къэралыр, псэукIэр нэхъ зыгъэбжьыфIэ, зыгъэдахэ цIыху цIэрыIуэхэм. |
 |
|
15.04.2026 - 09:03 КъБР-м и Парламентым и депутатхэр иджыблагъэ студентхэм яIущIащ. |
 |
|
14.04.2026 - 15:59 Кулиев Къайсын и цIэр зезыхьэ Балъкъэр къэрал драмэ театрым щекIуэкIащ Урысей Федерацэм и Театр лэжьакIуэхэм я зэгухьэныгъэхэр (СТД) илъэси 150-рэ, абы и Къэбэрдей-Балъкъэр щIыналъэ къудамэр илъэс |
 |
|
14.04.2026 - 09:12 Апхуэдэ фIэщыгъэ зиIэ узэщIакIуэ, егъэджэныгъэ пэхуэщIэ купщIафIэ илъэс зыбжанэ лъандэрэ щрагъэкIуэкI ди къэралым. «Вагъуэ» къэралпсо зэгухьэныгъэм къызэригъэпэщ, УФ-м Лъэпкъ IуэхухэмкIэ и федер |
|
