Къэбэрдей-Балъкъэр Рес­публикэм мазэ зыбжа­нэкIэ щылэжьащ Къэрал Эрмитажым и лэжьа­кIуэхэм къызэрагъэпэща Кавказ Ищхъэрэ экспе­дицэр. Абы хэтащ рес­публикэм и щIэныгъэлI­хэмрэ студентхэмрэ, ап­хуэдэу къэралым и музей нэхъыщхьэм пыщIа щIэ­ныгъэлI цIэрыIуэхэр.

Экспедицэм зэхилъ­хьа планым тету Бахъсэн районым щыщ Къулъ­къужын Ипщэ къуажэм и Iэшэлъашэхэм пасэрей ­зэманым и фэеплъхэр къы­щалъыхъуащ Бэрбэч Хь. М. и цIэр зезыхьэ Къэбэрдей-Балъкъэр къэ­рал университетым Тхы­дэмкIэ, филологиемкIэ, цIыхубэ хъыбарегъащIэ IуэхущIапIэхэмкIэ и институтым и студентхэм. Абыхэм щIым къыщIаха хьэп­шыпхэм я ныбжьыр, IэщIагъэлIхэм къызэралъытэмкIэ, илъэс 2700-рэ хуэдиз мэхъу икIи археологием ­зегъэужьынымкIэ мыхьэнэшхуэ яIэнущ. Хьэпшып­хэм яхэтщ кхъуэщын зэ­-мы­лIэу­жьыгъуэхэр, дом­беякъым, абджым къыхэ­щIыкIа фалъэхэмрэ хьэп­шып цIыкIуфэкIу­хэм­рэ, сэхэр, шабзэ­шэхэр, джыдэхэр.
ЩIэныгъэлIхэм зэрыжаIэмкIэ, а хьэпшыпхэр щыхьэт тохъуэ ищхъэрэ, ипщэ щIыналъэхэм иса лъэпкъхэр зэпыщIауэ зэ­рыщытам икIи псэуныгъэм­кIи зэуэнымкIи зым адрейм щапхъэ къытрихыу зэрыщытам.
Экспедицэм къигъуэта хьэпшып псори Къэбэрдей-Балъкъэр къэрал университетым и музейм къы­хуагъэнэнущ.