Юрий Коков Москваны мэрини къуллугъуна айырыулада хорлам бла Сергей Собянинни алгъышлагъанды.
«Хурметли Сергей Семёнович! Къабарты-Малкъарны Парламентини, Правительствосуну атларындан, кесим да Сизни хорлам бла эмда Москваны мэрине жангыдан сайланнганыгъыз бла жюрегимден алгъышлайма.
Айырыучуланы билекликлери москвачыланы жашауларын айнытыу эмда къолайлыкъларын ёсдюрюу жаны бла бардыргъан ишигизге ышаныулукъну белгисиди. Сизни башчылыгъыгъызда Москва дунияны бусагъатдагъы кюннге келишген эм айбат шахарларындан бири болгъанды. Бюгюнлюкде  аны тапландырыу, тарых сыфатын сакълау, транспорт инфраструктурасын айнытыу, инвестиция эм социал проектлени жашауда бардырыу жаны бла уллу ишле тындырыладыла.
Мамырлыкъ, насып, монглукъ, салгъан борчларыгъызны тамаларча кюч-къарыу тежейме!»- деп айтылады алгъышлауда.