КъБР-м и Iэтащхьэ КIуэкIуэ Ю. А. IущIащ Урысейм бгы лыжэмрэ сноубордымкIэ и федерацэм и президент Мельников Л. В.

Къэбэрдей-Балъкъэрым и Iэтащхьэ КIуэкIуэ Юрий фокIадэм и 4-м Правительствэм и Унэм щыIущIащ Урысейм бгы лыжэмрэ сноубордымкIэ и федерацэм и президент Мельников Леонид.

ЗэIущIэм щытепсэ­лъы­хьащ къэралым и щIыналъэ зэмылIэужьыгъуэхэм щыщ гупхэм, сабийхэм, апхуэдэуи Урысейм и ­командэ къыхэхам хэтхэм ­ я зыгъэсапIэ нэхъыщхьэ Терскол къуажэм къы­щы­зэгъэпэщыным хуэунэтIауэ щыIэ Iэмалхэм, абы спорт, узыншагъэм щыкIэлъагъэплъ, зыщагъэхъуж, ще­джэ-зыщагъасэ иджырей унэхэр щыухуэным пыщIа Iуэхухэм.
Мельников Леонид Къэбэрдей-Балъкъэрым и унафэщIхэм фIыщIэ къахуищIащ бгы лыжэ спортым гулъытэшхуэ зэры­хуащIым, «Iуащхьэмахуэ и уэсхэр» Урысейпсо гъэмахуэ зэхьэзэхуэхэр къызэгъэпэщынымрэ ахэр сыткIи зыхуей хуэзауэ егъэ­кIуэкIынымрэ хуэунэтIауэ лэжьыгъэшхуэ зэрызэфIагъэкIым папщIэ. «Япэ дыдэу сэ Къэбэрдей-Балъкъэрым сыкъэкIуауэ щытащ 1975 гъэм икIи мы щIыпIэр си псэм хэпщIауэ сыкъогъуэгурыкIуэ абы ­лъандэрэ, нэхъыфI дыдэу слъагъухэми яхузогъадэ», - къыхигъэщащ Урысейм бгы лыжэмрэ сноубордымкIэ и федерацэм и уна­фэщIым.
«Ди республикэм щы­псэухэм яцIыхуж уи адэ, бгым лыжэкIэ къежэхы­ным хуэIэзэ дыдэу щыта, СССР-м и чемпион мызэ-мытIэу хъуа, Олимпиадэ зыбжанэмрэ дунейм и чемпионатхэмрэ хэта Мельников Василий. Уэри а IуэхумкIэ икъукIэ уцIэрыIуэщ - совет тхыдэм щыяпэу, ныбжьыщIэхэм я деж бгы лыжэ спортымкIэ дунейпсо чемпион ухъуауэ щытащ уэ. Ди дежкIэ иджыпсту мыхьэ­нэшхуэ иIэщ щIалэгъуалэр спортым, щIэныгъэм, творчествэм дегъэхьэхыным, а IэнатIэхэм ехъулIэныгъэхэр къыщахьыным. ИкIи абы папщIэ дэ, шэч хэмылъу, сыткIи щIэгъэкъуэн дыхъунущ», - къыхигъэщащ КIуэ­кIуэ Ю. А.
 

КъБР-м и Iэтащхьэмрэ Правительствэмрэ я пресс-IуэхущIапIэ.

Поделиться:

ЧИТАТЬ ТАКЖЕ:

13.11.2026 - 17:06

Зэдэлэжьэныгъэ щхьэпэ

КъБР-м и Iэтащхьэ КIуэкIуэ Казбек лэжьыгъэ IуэхукIэ иригъэблэгъащ ЩIалэгъуалэ IуэхухэмкIэ къэрал агентствэм и унафэщIым и къуэ­дзэ Зотовэ Лейлэ. 

13.11.2026 - 09:03

Усыгъэр щIэблэм зыхрагъащIэ

Дзэлыкъуэ районым хыхьэ Малкэ къуажэм ЩэнхабзэмкIэ и унэм ще­кIуэ­кIащ Урысейм  и лъэпкъхэм я литературэм и фес­тиваль.

13.11.2026 - 09:03

СыткIи нэсу къызэгъэпэщауэ

Курыт еджапIэхэр къызыхуэтыншэу зэгъэпэщыжыным хуэунэтIа программэр республикэм гъэзэщIэн щыщIадзащ 2022 гъэм.

12.11.2026 - 09:07

Зэхэшэ шэбэщ

Шэджэм районым хыхьэ Ла­шынкъей къуажэм Къуэныкъуей Назир и цIэр зэрихьэу дэт курыт еджапIэ №1-м иджыблагъэ зэ­хыхьэ щхьэпэ щрагъэкIуэкIащ, мы гъэр УФ-м и лъэпкъхэм я зэ­къуэтыныгъэм и илъэсу зэры­

12.11.2026 - 09:05

ЗэIущIэшхуэм зыхуагъэхьэзыр

ЩIэныгъэхэмкIэ Дунейпсо Адыгэ академием и зэIущIэ екIуэкIащ щэкIуэгъуэм и 6-м. Ар теухуат академием къыпэщылъ зэ­IущIэшхуэм зэрыхуэхьэзырым.