Россейни МВД-сыны Чегем районда бёлюмюню эм ведомствону жамауат советини келечилери «Окъургъа барыргъа болуш» деген битеуроссей акциягъа къошумчулукъ этгендиле, деп билдириледи КъМР-де МВД-ны пресс-службасындан.
Акъылбалыкъ болмагъанланы ишлери жаны бла инспекторла жамауат советни таматасы Борис Герговну башчылыгъында къыйын болумгъа тюшген алты юйюрню жокълагъандыла эм онюч сабийге тийишли болушлукъ тапдыргъандыла.  
Профилактика халда сабийле эм ата-анала бла ушакъ да  этгендиле, не бла кюрешгенлерин соргъандыла, жарсыуларын билгендиле. Аны бла бирге  низамлы, адепли да болургъа эм законодательствону  бузмазгъа чакъыргъандыла. 
Ол кюн полициячыла бла жамауатчыла школчулагъа ичлеринде кереклери бла омакъ рюкзакла юлешгендиле, ариу къылыкълы болурларын эм иги окъурларын да тежегендиле. 
Сабийле да къонакълагъа болушханлары ючюн ыразылыкъларын билдирип,  аланы сокъурандырмазгъа сёз бергендиле. 

Магометланы 
Сулейман.