Къабарты-Малкъар башха регионлада коммунал зыбыр къалгъан-къулгъанланы (ТКО) кетериу жаны бла  амалланы да хайырланыргъа итинедиле. Ол санда кёп болмай цифралы амал бла кир-кипчикни кетериу не халда болгъанын тинтип башлагъанды.    
Анга кёре «Къоркъуусуз республика» учрежденияны болушлугъу къалгъан-къулгъанла тёгюлген орунла сюелген алты жерде видеокамерала салыннгандыла. Жууукъ заманда энтта да 80 чакълы жерде  аллай мадар этилликди. 
Сагъынылгъан амалны себеплиги бла тарыгъыула 50 процентге азайгъандыла. Мындан арысында да бу жаны бла ишни тирилтиуге   аслам эс буруллукъду.  
Къысха заманны ичинде регионну «Экотехпром» деген жангы оператору 40-гъа жууукъ энчи транспорт эм  50 темир орун къоллу болгъанды. Жууукъ заманда энтта да  13 энчи техника берилликди. 
Саулай алып айтханда, сагъынылгъан кезиуде багуш атылгъан 528 контейнер барды, аллай орунла сюелген 34 жер тап халгъа келтирилгенди эм он объект ишленнгенди. Мындан арысында да аллай жерлени тапландырырча жумушла бардырыллыкъдыла, ол санда жангы орунла алынырыкъдыла эм ала салынырча 50 жер къураллыкъды. 

Курданланы Сулейман.