Налшык щыIэ Къэбэрдей уэрамым и лъэс зе­кIуапIэм щагъэлъагъуэ выставкэ гъэщIэгъуэн. Совет зэманым траха кинохэм ятеухуа гъэ­л­ъэгъуэныгъэм сурэт 70-м щIигъу къызэ­щIеубыдэ. 

Къэралым и киностудие нэхъ иным щытраха, щIэупщIэшхуэ зиIа, кинофестиваль зэ­мылIэужьыгъуэ куэдым щагъэлъэгъуа, дунейпсо кином и тхыдэм къыхэна совет ­фильмхэм щыщ лэжьыгъэхэу архивым къыхахыжахэрщ мы выставкэм хагъэхьар. Ап­хуэдэщ Серый Александр и «Джентльмены удачи», Гайдай Леонид и «Бриллиантовая рука», «Кавказская пленница», Чулюкин Юрий и «Девчата», Меньшов Владимир и «Москва слезам не верит», Чухрай Григорий и «Баллада о солдате», Эйзенштейн Сергей и «Броненосец Потемкин», нэгъуэщI кино цIэрыIуэхэр. Дэтхэнэ зы сурэтми экспертхэм щIагъужащ ар зэрытрахам теухуауэ тхыдэм къыхэна, куэд зыщымыгъуазэ Iуэхугъуэхэм щыщ.
Гъэлъэгъуэныгъэр къызэрагъэпэщащ «Мос­фильм» киноконцерным, «Мосфильм. Золотая коллекция» телеканалым, Налшык къалэм зегъэужьынымкIэ «Платформа» институтым. Выставкэр гъэмахуэр икIыху екIуэкIынущ. 
ТЕКIУЖЬ Заретэ.