|
|
ЩIыналъэм еджапIэщIэ къыщызэIуах
8 августа, 2026 - 09:46
Къэбэрдей-Балъкъэрым и Iэтащхьэ КIуэкIуэ Казбек лэжьыгъэ IуэхукIэ хуэзащ КъБР-м щыIэ МВД-м и министр Крючков Вячеславрэ Урысейм и МВД-м и Кавказ-Ищхъэрэ институтым и унафэщIым и къалэнхэр пIалъэкIэ зыгъэзащIэ Сапронов Юрийрэ.
Фигу къэдгъэкIыжынщи, УФ-м и Правительствэм и УнафэщI Мишустин Михаил республикэм и щIыналъэм федеральнэ къэрал еджапIэ къыщызэгъэпэщыным теухуа унафэм мэкъуауэгъуэм Iэ щIидзащ.
IуэхущIапIэм студентхэр щрагъэджэнущ курыт IэщIагъэ, щIэныгъэ нэхъыщхьэ щрагъэгъуэт программэхэмкIэ, щIэныгъэ лэжьыгъэхэри щрагъэкIуэкIыну я мурадщ.
Сапронов Юрий Урысейм и МВД-м Омск щиIэ юридическэ институтыр къиухащ, юридическэ щIэныгъэхэмкIэ кандидатщ, криминологие, уголовнэ IуэхухэмкIэ щIэныгъэ, егъэджэныгъэ-методикэ лэжьыгъэу 50-м щIигъу игъэхьэзыращ, «Хэкум и пащхьэм щиIэ фIыщIэхэм папщIэ» орденым и етIуанэ нагъыщэр, нэгъуэщI къэрал дамыгъэ лъапIэхэри къыхуагъэфэщащ.
КIуэкIуэ Казбек егъэджэныгъэ IуэхущIапIэщIэм и унафэщIым и IэнатIэм ехъулIэныгъэхэр щиIэну ехъуэхъуащ. «Шэч къытесхьэркъым апхуэдэ еджапIэ къызэIухыныр ди республикэм и щIалэгъуалэм IэщIагъэ зрагъэгъуэтынымкIэ, я щхьэ Iуэху зэрахуэжынымкIэ иджыри зы IэмалыфI зэрыхъунум», - жиIащ щIыналъэм и Iэтащхьэм.
 |
|
10.09.2026 - 09:19 КъБР-м и Iэтащхьэ КIуэкIуэ Казбек хэтащ Адыгэ Республикэм и къалащхьэ Мейкъуапэ щызэхаша, тхакIуэ цIэрыIуэу, жылагъуэ лэжьакIуэ емызэшу щыта, Урысей Федерацэм ЛэжьыгъэмкIэ и ЛIыхъужь МэшбащIэ Исхь |
 |
|
10.09.2026 - 09:14 СурэтыщI гъуазджэхэмкIэ музейм Ткаченкэ Андрей и цIэр зезыхьэм, гъэлъэгъуэныгъэ телъыджэ щокIуэкI. |
 |
|
09.09.2026 - 09:03 Дзэлыкъуэ районым щекIуэкIащ эктремизмэмрэ терроризмэмрэ щIалэгъуалэр пэIэщIэ щIыным теухуа зэIущIэхэр. |
 |
|
08.09.2026 - 09:13 Налшык къалэр, ЗэгурыIуэныгъэм и утыр, мы махуэхэм Урысейм и ерыскъыхэкIхэм я къалащхьэхэм ящыщ зы хъуащ. |
 |
|
08.09.2026 - 09:12 Къэбэрдей-Балъкъэрым и Къэралыгъуэм и махуэр Театр щхъуантIэм щагъэлъэпIащ «Гъагъэ, си щIыналъэ!» гуфIэгъуэ концерт инымкIэ. |
|
