Росгвардияны ведомстводан тышында къалауурлары жылны аллындан бери тамамлагъан ишлени эсеплерин чыгъаргъандыла. Анга аталгъан кенгертилген жыйылыуну Росгвардияны КъМР-де Управлениясыны башчысы полицияны генерал-майору Сергей Васильев бардыргъанды.   
Кенгешде инсанланы бла организацияланы мюлклерин сакълау иш къалай толтурулгъаны сюзюлгенди. Ведомстводан тышында къалауурла салыннган борчланы бийик даражада бардыргъанлары, ала сакълагъан мекямлада бузукълукъла этилмегенлери белгиленнгенди.
Жыйылыуда жылны экинчи жарымына борчла салыннгандыла, право низамны сакълаугъа бурулгъан жумушла белгиленнгендиле. Ведомствода ишлегенлени сынауларын игилендириу, терроризмге къажау мадарла сингдириу мадарла энчи белгиленнгендиле.   
Кенгешни ахырында  Сергей Васильев къалауурлагъа къуллукъ этиуде жетишимлери ючюн ыразылыгъын айтханды.