Аманлыкъчыланы терсликлерине жолукъдуруу жаны бла федерал службаны КъМР-де управлениясыны башчысыны орунбасары Аслан Абазов Черек районну ара больницасыны баш врачы Биттирланы Азрет бла тюбешгенди.
Аслан Абазов уголовно-толтуруучу системаны учрежденияларында чыгъарылгъан продукция бла шагъырей этгенди. Ол, къырал келишимни къабыл кёрюуню юсюнден айта, быллай байламлыкъла саулукъ сакълау учрежденияны кереклерин жалчытхан бла бирге жууапха тартылгъанланы жамауат жашаугъа къайтыргъа себеп боллукъларын чертгенди.
- Тутулуп тургъанланы профессионал училищеде ишчи усталыкълагъа юйретебиз. Алгъан билимни хайырындан тюрлю-тюрлю жумушла толтурургъа онглары барды, - дегенди Аслан Абазов эмда медицина учреждениялагъа тёшек керекле, мебель чыгъарыуда сынамлары болгъанын айтханды.
Биттирланы Азрет байламлыкъла эки жанына да хайырлы боллукъларын чертгенди.
Тикаланы Фатима
хазырлагъанды.
