КъБР-м и Iэтащхьэ КIуэкIуэ Казбек видеозэпыщIэ-ныгъэ IэмалкIэ хэтащ УФ-м и Правительствэм и вице-премьер Хуснуллин Марат иригъэкIуэкIа, щIыналъэхэм зегъэужьынымкIэ комиссэм и зэIущIэм. 

Зэхуэсым щытеп­сэ­лъы­хьащ 2026 - 2027 гъэхэм я бжьы­хьэ-щIымахуэ пIалъэм зы­­­хуэгъэхьэзырын, ком­му­наль­­нэ инфраструктурэм и лэжьэкIэм кIэрымыхун пап­щIэ, щытыкIэм ипкъ иткIэ, ар зыхуей хуэгъэзэн зэрыхуейм. КъищынэмыщIауэ, щIыналъэ ­гъуэгу фондхэм мылъку зэ-ры­хухатыкIыпхъэм теп­сэ­лъы­хьащ, ар 2030 гъэм пщIондэ зэфIагъэкIыну зыхуагъэу­выжа къалэнхэм яхурикъун хуэдэу. Къэухь IэрыщIыр къагъэщхьэпэу, транспортыр зэ­рагъэлажьэ IэмалыщIэхэр (ИТС) къызэгъэпэщын зэры­хуейми и гугъу ящIащ. Щхьэ-хуэу тепсэ­лъыхьащ «Гъа- щIэм хуэ­щIа инфраструктурэ» лъэпкъ проектымрэ «Ухуэныгъэ» къэрал программэмрэ я зэфIэхыкIэм. 
ЗэIущIэм и ужькIэ КъБР-м и Iэтащхьэм къыхигъэщащ республикэм 2026 - 2027 гъэхэм я унэ гъэплъыгъуэ пIалъэм сом мелард 1,2-м щIигъу зэры­хуиутIыпщынур. Жэпуэгъуэм и 1 пщIондэ зи ужь ит лэжьыгъэ псори и кIэм нэсынущ. ЩIы­налъэ гъуэгу фондым сом ­мелард 1,6-рэ хухагъэкIынущ. Псори зэхэту къапщтэмэ, ды­зэрыт илъэсым къриубыдэу, республикэм зэIузэпэщ ща­щIы­жынущ километри 143-м нэс ­гъуэгу. Налшык къалэм и закъуэ щIыналъэ гъуэгу фондым и мылъкукIэ километр 44,3-рэ щызэрагъэпэщыжынущ. 
ЦIыхубэм папщIэ инфраструктурэм и къызэгъэпэ­щыкIэм и гугъу пщIымэ, ­республикэм щызэпыуркъым ­сабий IыгъыпIэхэр, школхэр, медицинэ IуэхущIапIэхэр, гъуа­­зджэмкIэ сабий школхэр, библиотекэхэр, спорт объектхэр зехьэнымрэ ухуэнымрэ епха лэжьыгъэхэр. Псоми япэ ирагъэщ цIыхубэр псыкIэ къызэгъэпэщын къалэныр. Фигу къэдгъэкIыжынщи, иджыпсту Налшык щызэрагъэпэщыж «Головной» псы къыщIэ­шы­пIэмрэ абы епха гъэкъэбзапIэ станцымрэ. КъинэмыщIауэ, псыр унэхэм къезышалIэ-щIэ­зыш объект 19-м йолэжь, абыхэм ящыщу 12-р дызэрыт илъэсым къриубыдэу яухынущ.