|
|
Отлукъ бла байламлы халгъа – энчи эс
9 июля, 2026 - 08:32
КъМР-ни Башчысы Казбек Коков Монополиялагъа къажау федерал службаны тюнене Къабарты-Малкъаргъа къырал жумуш бла келген таматасы Максим Шаскольский бла тюбешгенди, деп билдириледи регионну оноучусуну МАХ-да энчи каналында.
Ушакъны кезиуюнде сёз конкуренцияны айнытыуну, багъаланы, инвестициялагъа онгла къурауну эмда экономика проектлени юслеринден баргъанды.
Белгиленнгенича, Монополиялагъа къажау служба республиканы Правительствосу бла социал магъаналы рыноклада багъалагъа контроль этиу жаны бла бирге ишлеуню андан ары бардырлыкъды.
Отлукъ бла байламлы халгъа тюбешиуде энчи эс бурулгъанды. Мында саудюгерчилеге къажау кюрешге баш магъана бериледи. Республикада отлукъну багъаларын сылтаусуз кётюрюрге кюрешгенле ачыкълансала, Россейни Монополиялагъа къажау федерал службасы бла бирге олсагъат тийишли мадарла этилликдиле.
Ушакъны ахырында Къабарты-Малкъарны бла Россейни Монополиялагъа къажау службасыны араларында бирге ишлеуню юсюнден келишимге къол салыннганды. Ол а регионну экономикасына, аны инвестиция онгларына, предпринимательлик жаны бла конкуренцияны айнытыугъа да хайырлы болмай къаллыкъ тюйюлдю.
Казбек Коков Максим Алексеевичге республикагъа эс бургъаны эмда къайгъыргъаны ючюн жюрек ыразылыгъын билдиргенди. «Бирге ишлеуюбюзню хайырындан шёндюгю заманнга артыкъда магъаналы ишле тамамланыллыкъларына, къыйматлы оноула этилликлерине ишексизме»,- деп чертгенди ол.
 |
|
13.08.2026 - 14:42 Къабарты-Малкъар башха регионлада коммунал зыбыр къалгъан-къулгъанланы (ТКО) кетериу жаны бла амалланы да хайырланыргъа итинедиле. |
 |
|
13.08.2026 - 11:41 Физкультурачыны кюнюнде бизни республикада «Низамны сакълаучу бла жарау этиу» деген хайырлы жумуш тындырылгъанды, деп билдиргендиле Къабарты-Малкъарда МВД-ны пресс-службасындан.
|
 |
|
13.08.2026 - 10:11 «Сёзсюз, кимге да, бютюнда бег а тиширыугъа, уллу коллективге башчылыкъ этиу не заманда да жууаплы да, къыйын да жумушду. |
 |
|
12.08.2026 - 15:25 Жыйылыугъа шахарны билим бериу департаментини къуллукъчусу Светлана Ачмизова, «Солнышко» журналны баш редактору Залина Жериштиева, Кенже, Хасания, Адиюх, Акъ-Суу, Вольный Ауул элледе тиширыу бириги |
 |
|
12.08.2026 - 10:45 Черек районну администрациясыны башчысы Къулбайланы Алан бардыргъан кезиулю муниципал сагъатда кир-кипчикни кетериуге эмда суу бла жалчытыугъа энчи эс бурулгъанды.
|
|
